2015 jylǵy 20 qańtar, Astana qalasy
Bilim alýshylardy bilim berý uıymdarynyń úlgileri boıynsha aýystyrý jáne qaıta qabyldaý qaǵıdalaryn bekitý týraly
«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-babyıyń 16) tarmaqshasyna sáıkes buıyramyn:
1. Qosa berilip otyrǵan Bilim alýshylardy bilim berý uıymdarynyń úlgileri boıynsha aýystyrý jáne kaıta qabyldaý qaǵıdalary bekitilsin.
2. Joǵary, joǵary oqý ornynan keıingi bilim jáne halyqaralyq yntymaqtastyq departamenti (J.Q.Shaımardanov);
1) osy buıryqtyń belgilengen tártippen Qazaqstan Respýblıkasy Ádilet mınıstrliginde memlekettik tirkelýin qamtamasyz etsin;
2) Qazaqstan Respýblıkasy Ádilet mınıstrliginde memlekettik tirkeýden ótkennen keıin osy buıryqty merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýdy qamtamasyz etsin;
3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý vıse-mınıstr T.O.Balyqbaevqa júktelsin.
4. Osy buıryq alǵashqy resmı túrde jarııalanǵan kúnnen keıin kúntizbelik on kún ótken soń qoldanysqa engiziledi.
Mınıstr A.SÁRINJIPOV.
Qazaqstan Respýblıkasy Bilim jáne ǵylym mınıstriniń
2015 jylǵy 20 qańtardaǵy №19 buıryǵymen bekitilgen
Bilim alýshylardy bilim berý uıymdarynyń úlgileri boıynsha aýystyrý jáne qaıta qabyldaý qaǵıdalary
1. Jalpy erejeler
1. Bilim alýshylardy bilim berý uıymdarynyń úlgileri boıynsha aýystyrý jáne qaıta qabyldaý qaǵıdalary (budan ári - Qaǵıdalar) «Bilim týraly» Qazaqstan Respýblıkasy Zańynyń 5-babynyń 16) tarmaqshasyna sáıkes ázirlengen jáne menshik nysanyna jáne vedomstvolyq baǵynystylyǵyna qaramastan bilim alýshylardy tehnıkalyq jáne kásiptik, orta bilimnen keıingi, joǵary jáne joǵary oqý ornynan keıingi bilim berý uıymdaryna aýystyrýdyń jáne qaıta qabyldaýdyń tártibin aıqyndaıdy.
2. Bilim alýshylardy kýrstan kýrsqa, bir bilim berý uıymynan ekinshisine, bir oqý nysanynan ekinshi nysanǵa, bir tildik bólimnen ekinshi tildik bólimge, bir mamandyqtan ekinshi mamandyqqa, aqyly negizde oqýdan memlekettik bilim berý granty boıynsha oqýǵa aýystyrý júzege asyrylady.
Eskertý. Bilim alýshyny aqyly negizden memlekettik bilim berý granty boıynsha oqýǵa aýystyrý Qazaqstan Respýblıkasy Úkimetiniń 2008 jylǵy 23 qańtardaǵy № 58 qaýlysymen bekitilgen Joǵary bilim alýǵa aqy tóleý úshin bilim berý grantyn berý erejesine sáıkes bilim alý prosesinde bosaǵan bilim berý granttaryn berý arqyly júzege asyrylady.
3. Kúndizgi jáne keshki oqý nysanynda bilim alýshylardyń aýystyrý jáne qaıta qabyldaý týraly ótinishterin qabyldaýshy bilim berý uıymynyń basshysy jazǵy jáne qysqy demalys kezeńinde, biraq kezekti akademııalyq kezeń bastalǵanǵa deıin bes jumys kúninen keshiktirmeı qarastyrady.
Syrttaı oqý nysanynda bilim alýshylardyń aýystyrý jáne qaıta qabyldaý týraly ótinishterin bilim berý uıymynyń basshysy bir aı ishinde, biraq qabyldaýshy bilim berý uıymynyń kezekti emtıhan sessııasy bastalǵanǵa deıin bes kúnnen keshiktirmeı qarastyrady.
4. Bilim alýshylardy aýystyrý nemese qaıta qabyldaý kezinde olardyń ótken akademııalyq kezeńderde oqyǵan jumys oqý josparlaryndaǵy pánderdiń akademııalyq aıyrmashylyǵy aıqyndalady.
5.Jumys oqý josparlarynyń pánderindegi akademııalyq aıyrmashylyqty qabyldaýshy bilim berý uıymy transkrıptte nemese bilim alýdy aıaqtamaǵan tulǵalarǵa beriletin anyqtamada (budan ári – anyqtama) kórsetilgen oqyǵan pánderiniń tizbesi, olardyń baǵdarlamalary men akademııalyq saǵattardaǵy nemese kredıtterdegi kólemi negizinde aıqyndaıdy.
6. Bilim alýshy sheteldik bilim berý uıymynan aýystyrylǵan nemese qaıta qabyldanǵan kezde meńgerilgen oqý baǵdarlamalary týraly (akademııalyq anyqtama, transkrıpt), sondaı-aq Qazaqstan Respýblıkasy Bilim jáne ǵylym mınıstriniń 2008 jylǵy 10 qańtardaǵy № 8 buıryǵymen bekitilgen, Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 5135 bolyp tirkelgen Bilim týraly qujattardy taný jáne nostrıfıkasııalaý erejesinde belgilengen tártippen Qazaqstan Respýblıkasynda nostrıfıkasııalaý rásiminen ótýi tıis bilim berýdiń aldyńǵy deńgeıin aıaqtaǵany týraly qujat usynylady.
Sheteldik JOO-dan aýystyrý nemese qaıta qabyldaý kezinde Qazaqstan Respýblıkasynda jalpy orta (orta jalpy) nemese tehnıkalyq jáne kásiptik bilim alǵan tulǵalar da baly belgilengen ótý balynan tómen emes ulttyq biryńǵaı testileýdiń (budan ári – UBT) nemese keshendi testileýdiń (budan ári – KT) sertıfıkatyn usynady.
UBT men KT-ǵa qatyspaǵan nemese ótý balyn almaǵan tulǵalar buıryq shyqqanǵa deıin KT tapsyrady.
7. Jumys oqý jospary pánderindegi akademııalyq aıyrmashylyqty joıý úshin bilim alýshy osy pánderge jazylady, akademııalyq kezeń ishinde oqý sabaqtarynyń barlyq túrine qatysady, aǵymdaǵy baqylaýdyń barlyq túrin tapsyrady, qorytyndy baqylaýǵa jiberilgendigi týraly ruqsat alady.
Eger akademııalyq aıyrmashylyq pánderi aǵymdaǵy akademııalyq kezeńniń oqý sabaqtarynyń kestesine engizilmegen jaǵdaıda, bilim alýshy olarǵa jazǵy semestrge jazylady.
8. Jazǵy semestrde joıylmaǵan jumys oqý jospary pánderindegi akademııalyq aıyrmashylyq keıinnen akademııalyq bereshek retinde eskeriledi.
2. Bilim alýshylardy bilim berý uıymdarynyń úlgileri boıynsha aýystyrý jáne qaıta qabyldaý tártibi
1-paragraf. Tehnıkalyq jáne kásiptik, orta bilimnen keıingi bilimniń bilim berý baǵdarlamalaryn iske asyratyn bilim berý uıymdaryndaǵy bilim alýshylardy aýystyrý jáne qaıta qabyldaý
9. Tehnıkalyq jáne kásiptik, orta bilimnen keıingi bilimniń bilim berý baǵdarlamalaryn iske asyratyn bilim berý uıymdarynda (budan ári - bilim berý uıymdary) bir mamandyqtan ekinshi mamandyqqa nemese oqýdyń bir nysanynan ekinshisine aýysý bilim berý uıymy basshysynyń buıryǵymen júrgiziledi.
10. Eger bilim alýshy bilim berý uıymymen bilim berý qyzmetterin kórsetý týraly jeke shart (budan ári - shart) jasasa, onda onyń basqa bilim berý uıymyna nemese bir mamandyqtan ekinshisine aýysýy úshin atalǵan sharttyń ózgertilýi nemese buzylýy qajet.
11. Bilim alýshylardy kýrstan kýrsqa, bir bilim berý uıymynan ekinshisine, bir oqý nysanynan ekinshi nysanǵa, bir tildik bólimnen ekinshi tildik bólimge, bir mamandyqtan ekinshi mamandyqqa, aqyly negizde oqýdan memlekettik bilim berý granty boıynsha oqýǵa aýystyrýǵa tórt oqý páninen aspaıtyn akademııalyq aıyrmashylyq bolǵanda jol beriledi.
Kámeletke tolmaǵan bilim alýshynyń ata-anasy nemese zańdy ókilderi turǵylyqty mekenjaıyn aýystyrǵan jaǵdaıda, rastaý qujattaryn usynsa, ony kanıkýl kezeńinen basqa ýaqytta da aýystyrýǵa ruqsat beriledi.
Tehnıkalyq jáne kásiptik bilim berý uıymdarynda oqý shyǵyndaryn tolyq óteıtin, aqyly negizde bilim alýshy memlekettik bilim berý tapsyrysy boıynsha oqý úshin bos oryndarǵa mynadaı tártippen aýysady:
1) bilim alýshy bilim berý uıymy basshysynyń atyna ári qaraı memlekettik bilim berý tapsyrysy boıynsha oqýǵa aýystyrý týraly erkin nysanda ótinish beredi;
2) bilim berý uıymynyń basshysy atalǵan ótinishti qarap, ony pedagogıkalyq keńestiń qaraýyna shyǵarady jáne pedagogıkalyq keńes sheshiminiń negizinde bilim alýshyny ári qaraı memlekettik bilim berý tapsyrysy boıynsha oqýǵa aýystyrý týraly buıryq shyǵarady.
12. Basqa bilim berý uıymyna aýysýǵa nıet bildirgen bilim alýshy bilim alyp jatqan bilim berý uıymy basshysynyń atyna erkin nysanda aýysý týraly jazbasha ótinish beredi jáne aýysýǵa mórmen bekitilgen jazbasha kelisim alyp, ózi qalaǵan bilim berý uıymynyń basshysyna ótinish bildiredi.
Qabyldaýshy bilim berý uıymy basshysynyń atyna jazylǵan aýysý týraly ótinishke aýystyratyn bilim berý uıymy basshysynyń qolymen kýálandyrylǵan bilim alýshynyń synaq kitapshasynyń (nemese úlgerim kitapshasynyń) kóshirmesi qosa tirkelýi qajet.
13. Aýystyrý týraly másele sheshilgen jaǵdaıda bilim alýshyny qabyldaıtyn bilim berý uıymynyń basshysy onyń oqý sabaqtaryna ruqsat berý, oqý josparyndaǵy aıyrmashylyqtardy tapsyrý týraly buıryq shyǵarady, buryn bilim alýshy oqyǵan bilim berý uıymyna onyń jeke is qujattaryn jiberý týraly jazbasha suraý joldaıdy.
14. Bilim berý uıymdarynyń bilim alýshylary qataryna qabyldaý týraly buıryq bilim alýshynyń buryn oqyǵan bilim berý uıymynan jeke is qaǵazdary alynǵannan keıin shyǵarylady.
15. Bilim berý uıymdarynda buryn bilim alǵan tulǵalar burynǵy nemese basqa bilim berý uıymyna qaıta qabyldana alady.
Qaıta qabyldaýdyń mindetti sharty bilim alýshynyń bir semestrdi aıaqtaýy bolyp tabylady jáne qaıta qabyldaý týraly másele onyń jeke ótinishi negizinde ǵana qaralady.
Bilim alýshylardy birinshi kýrsqa qaıta qabyldaýǵa birinshi semestrdi aıaqtaǵannan keıin tıisti nemese uqsas mamandyqtar boıynsha ruqsat etiledi.
16. Oqý aqysyn tólemegeni úshin semestr kezinde oqýdan shyǵarylǵan aqyly negizde oqıtyn bilim alýshy tólemaqy boıynsha qaryzyn ótegen jaǵdaıda oqýdan shyǵarylǵan kúnnen bastap tórt aptanyń ishinde oqýǵa qaıta qabyldanady, bul rette bilim berý uıymy tólemaqy boıynsha qaryzyn ótegeni týraly qujatty usynǵan jaǵdaıda úsh jumys kúni ishinde bilim alýshyny qaıta qabyldaıdy.
17. Buryn basqa bilim berý uıymdarynda bilim alǵan bilim alýshylardy oqýǵa qaıta qabyldaýǵa:
kýrstar men mamandyqtar boıynsha oqytýdyń tıisti oqý toptary bolǵan jaǵdaıda;
oqýdy aıaqtamaǵan tulǵalarǵa beriletin Anyqtamada (nemese bilim alýshynyń synaq kitapshasynda) kórsetilgen oqý pánderiniń qabyldaýshy bilim berý uıymynyń jumys oqý josparynyń oqý pánderi tizbesinen aıyrmashylyǵy tórt oqý pánderinen artyq bolmaǵan jaǵdaılarda ruqsat etiledi.
18. Jumys oqý josparynyń pánderi men oqý saǵattaryndaǵy aıyrmashylyqty bilim berý uıymy basshysynyń oqý isi jónindegi orynbasary belgileıdi. Oqý jospary pánderindegi aıyrmashylyqty joıýdyń tártibi men merzimi bilim berý uıymy basshysynyń buıryǵymen bekitiledi.
19. Buryn bilim alǵan bilim alýshy basqa bilim berý uıymyna oqýǵa qaıta qabyldanǵan jaǵdaıda buryn oqyǵan bilim berý uıymynyń basshysy qabyldaýshy taraptyń jazbasha suraýy negizinde bilim alýshynyń jeke is qujattaryn jiberedi, bul rette Anyqtamanyń, synaq kitapshasynyń kóshirmesin jáne jiberilgen qujattarynyń tizimdemesin ózinde qaldyrady.
20. Oqýǵa qaıta qabyldaný úshin buryn bilim alǵan bilim alýshy óziniń oqýyn jalǵastyrǵysy keletinin bildirip, bilim berý uıymy basshysynyń atyna erkin nysanda ótinish, beredi, bul rette qaıta qabyldaý týraly ótinishke Anyqtama qosa beriledi.
21. Usynylǵan Anyqtama negizinde bilim berý uıymy kýrsty jáne pánderdiń aıyrmashylyǵyn anyqtap, oqýǵa qaıta qabyldaý týraly ótinishti berilgen ýaqyttan bastap eki aptalyq merzimde qaraýy qajet.
2-paragraf. Joǵary oqý oryndarynda bilim alýshylardy aýystyrý jáne qaıta qabyldaý
22. Eger joǵary oqý oryndarynyń (budan ári – JOO) bilim alýshylary jeke oqý josparyna sáıkes meńgerip jatqan baǵdarlamasynyń birinshi akademııalyq kezeńin tolyq aıaqtasa, olar oqýdan shyǵarylǵannan keıin aýysa alady nemese qaıta qabyldana alady.
Bul rette bilim alýshy oqýdan shyǵarylǵan merzimine qaramastan kez kelgen oqytý nysanyna, kez kelgen mamandyqqa jáne kez kelgen joǵary oqý ornyna aýysa nemese qaıta qabyldana alady.
23. Bilim alýshyny bir mamandyqtan ekinshisine, bir oqytý nysanynan ekinshisine aýystyrý aqyly negizde oqý úshin ǵana júzege asyrylady.
24. Bilim alýshyny aýystyrý nemese qaıta qabyldaý kezinde olardyń ári qaraı oqý kýrsy prerekvızıtterdi esepke ala otyryp aıqyndalady.
Bilim alý kezeńinde Qazaqstan Respýblıkasynyń Qarýly Kúshteri qatarynda áskerı mindetin óteýge shaqyrylǵan bilim alýshylar tıisti kýrsqa qaıta qabyldanady.
Bul rette joǵary oqý oryndary aǵymdaǵy oqý jyly ishinde tapsyrýǵa qajetti prerekvızıtter tizbesin anyqtaıdy.
25. Meńgerilgen kredıtterdi qaıta esepteý bilim berý baǵdarlamalaryn, meńgerilgen pánderdiń tizbesi men mazmunyn, olardyń kólemin, alynǵan bilimdi, bilikti, daǵdylar men quzyretterdi, sondaı-aq Dýblın deskrıptorlaryna sáıkes kórsetken oqytý nátıjelerin salystyrý negizinde júrgiziledi.
26. Meńgerilgen kredıtterdi qaıta tapsyrý kezinde qorytyndy baqylaý nysanyndaǵy aıyrmashylyq eskerilmeıdi.
Qazaqstan Respýblıkasy Bilim jáne ǵylym mınıstriniń 2011 jylǵy 28 sáýirdegi № 152 buıryǵymen bekitilgen, Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 6976 bolyp tirkelgen Oqytýdyń kredıttik tehnologııasy boıynsha oqý prosesin uıymdastyrýdyń qaǵıdalaryna sáıkes synaq eń tómengi D (1,0; 50-54%) jáne eń joǵarǵy A (4,0; 95-100%) aralyǵyndaǵy dıapazonda bilim alýshynyń oqý jetistigin baǵalaýdyń áriptik júıesine teńestiriledi.
27. Bilim alýshyny kýrstan kýrsqa aýystyrý jazǵy emtıhan sessııasynyń qorytyndysy (aralyq attestattaý) boıynsha jazǵy semestrdiń nátıjelerin jáne alynǵan ortasha úlgerim baldaryn (GPA - Grade Point Average) eskere otyryp júzege asyrylady.
28. Bilim alýshynyń JOO-da belgilengen aýysý balynan tómen emes úlgerimniń ortasha balyna (GPA - Grade Point Average) qol jetkizýi bilim alýshyny kýrstan kýrsqa aýystyrýdyń mindetti sharty bolyp tabylady.
29. Bilim alýshyny kýrstan kýrsqa aýystyrý JOO basshysynyń buıryǵymen resimdeledi.
30. Belgilengen aýysý balyna qol jetkizgen jáne kelesi kýrsqa aýystyrylǵan bilim berý granty nemese memlekettik bilim berý tapsyrysy (budan ári – memlekettik tapsyrys) boıynsha bilim alýshy akademııalyq qaryzy bar bolǵan jaǵdaıda bilim berý grantyn nemese memlekettik tapsyrys ornyn saqtaı otyryp, ony aqyly negizde joıady.
31. Bilim berý granty boıynsha bilim alatyn stýdent bilim berý grantyn saqtaı otyryp basqa JOO-ǵa aýysa alady.
Jekelegen JOO-lar úshin bekitilgen bilim berý granty boıynsha nysanaly oryndarǵa, sondaı-aq bólingen kvota sheginde pedagogıkalyq mamandyqtarǵa túsken stýdentter basqa JOO-ǵa tek aqyly negizde ǵana aýysa alady.
32. Magıstranttar basqa JOO-ǵa tek aqyly negizde aýysa alady.
33. Stýdentter men magıstranttardy basqa JOO-dan ulttyq JOO-ǵa aýystyrý tek aqyly negizde ǵana júzege asyrylady.
Bul rette stýdenttiń ulttyq biryńǵaı testileýdiń nemese keshendi testileýdiń sertıfıkatyndaǵy ball sany 60-tan tómen bolmaýy jáne ortasha úlgerim baly (GPA - Grade Point Average) atalǵan ulttyq JOO-daǵy belgilengen aýysý balynan tómen bolmaýy tıis.
34. Bilim alýshyny kýrstan kýrsqa, bir mamandyqtan ekinshisine, bir oqytý nysanynan ekinshisine, bir JOO-dan ekinshi JOO-ǵa aqyly negizde aýystyrý jáne qaıta qabyldaý rásimin JOO derbes belgileıdi jáne onyń akademııalyq saıasatynda kórsetilýi tıis.
Bul rette bilim alýshynyń jeke is qaǵazynda bakalavrat úshin – UBT nemese KT tapsyrǵany týraly sertıfıkat, magıstratýra úshin – túsý emtıhandaryn tapsyrǵany týraly sertıfıkat bolýy tıis.
35. Bilim berý granty boıynsha bilim alýshyny bir JOO-dan ekinshisine aýystyrý rásimi mynadaı tártippen júzege asyrylady:
1) basqa JOO-ǵa aýysýǵa nıet bildirgen bilim alýshy bilim alyp jatqan JOO basshysynyń atyna aýysý týraly erkin nysanda ótinish beredi jáne aýysýǵa mórmen bekitilgen jazbasha kelisim alyp, qyzyǵýshylyq tanytqan JOO basshysyna ótinish bildiredi;
2) qabyldaýshy JOO basshysynyń atyna jazylǵan aýysý týraly ótinishke oqý isi jónindegi prorektor men ofıs-tirkeýshi qol qoıǵan, mórmen bekitilgen transkrıpttiń, bilim berý granty ıegeri kýáliginiń, oqyǵan JOO basshysynyń atyna jazylǵan ótinishtiń (basshynyń qoly qoıylyp, mór basylǵan) kóshirmeleri qosa berilýge tıis;
3) fakýltet dekany (ınstıtýt dırektory) usynylǵan qujattardyń negizinde oqý josparlaryndaǵy pánder aıyrmashylyqtaryn aıqyndaıdy jáne meńgerilgen prerekvızıtterge sáıkes oqý kýrsyn belgileıdi, bilim berý baǵdarlamasyna sáıkes meńgerilgen kredıtterdi qaıta esepteıdi jáne tirkeý bólimimen kelisim boıynsha bilim alýshynyń jeke oqý josparyn bekitedi;
4) fakýltet dekany (ınstıtýt dırektory), ofıs-tirkeýshi, akademııalyq máselelerge jetekshilik jasaıtyn bólimshe basshysy (oqý-ádistemelik bólim nemese basqarma) bastyǵy, oqý isi jónindegi prorektor qoıǵan buryshtamalarǵa sáıkes JOO basshysy bilim alýshyny aýystyrý týraly buıryq shyǵarady;
36. Bilim alýshy aýysatyn JOO-nyń basshysy buıryq shyqqan kúnnen bastap úsh jumys kúni ishinde bilim alýshy buryn oqyǵan JOO-ǵa onyń jeke is qaǵazdaryn jiberý týraly jazbasha suraý joldaıdy. Suraýǵa bilim alýshyny aýysý tártibimen qabyldaý týraly buıryqtyń kóshirmesi qosa beriledi.
37. Bilim alýshy buryn oqyǵan JOO-nyń basshysy mundaı suraýdy alǵannan keıin «(JOO ataýy) aýysýyna baılanysty oqýdan shyǵaryldy» degen mazmundaǵy oqýdan shyǵarý týraly buıryq shyǵarady jáne buıryq shyqqan kúnnen bastap úsh jumys kúni ishinde bilim alýshynyń jeke is qaǵazdaryn qabyldaýshy JOO-nyń mekenjaıyna joldaıdy.
Bilim alýshy oqyǵan JOO-da transkrıpttiń kóshirmesi, synaq kitapshasy, stýdenttik bılet jáne jiberiletin qujattardyń tizimdemesi qalady.
38. Bir JOO-dan ekinshisine bilim berý granty negizinde bilim alýshyny aýystyrý kezinde qabyldaýshy JOO-nyń basshysy bilim alýshyny qabyldaý týraly buıryqtyń, kóshirmesin onyń atyna jazylǵan bilim berý granty kýáliginiń kóshirmesimen birge bilim berý salasyndaǵy ýákiletti organǵa jáne tıisti bıýdjettik baǵdarlama ákimshisine JOO-nyń qarjylandyrý kólemin túzetý úshin usynady.
39. Oqý kezeńinde paıda bolǵan aýrý nátıjesinde berilgen mamandyqta oqýǵa tyıym salynǵany týraly dárigerlik-konsýltatıvtik komıssııanyń qorytyndysy bar bilim berý granty boıynsha bilim alýshy bir mamandyqtan ekinshisine bos oryndarǵa bilim berý granty boıynsha aýysady.
Buıryq Qazaqstan Respýblıkasynyń Ádilet mınıstrliginde 2015 jylǵy 19 aqpandaǵy Normatıvtik quqyqtyq kesimderdi memlekettik tirkeýdiń tizilimine № 10297 bolyp engizildi.