Parlament Senaty Qarjy jáne bıýdjet komıtetiniń tóraǵasy Rashıt Ahmetov Halyqaralyq valıýta qory mıssııasynyń ókilderimen kezdesti. Júzdesýshiler Qazaqstan Respýblıkasy Úkimetiniń ekonomıka saıasatynyń basymdyqtaryn talqylady.
R.Ahmetov mıssııa ókilderin Qazaqstandy damýdyń jańa satysyna shyǵarýǵa jáne álemniń eń damyǵan memleketteriniń qataryna enýine múmkindik beretin bes ınstıtýttyq reforma – Ult jospary, «Nurly Jol» Jańa Ekonomıkalyq Saıasaty týraly habardar etti.
Halyqaralyq valıýta qory mıssııasynyń basshysy Hosseın Samıı Qazaqstan Respýblıkasyndaǵy qazirgi ekonomıkalyq jaǵdaıǵa baǵa berdi.
Kezdesý barysynda, sondaı-aq, aqsha-nesıe saıasaty, bank sektory, shaǵyn jáne orta bıznesti damytý máseleleri boıynsha pikir almasyldy. Sonymen qatar, Qazaqstannyń Eýrazııalyq ekonomıkalyq odaqqa múshe bolýy men elimizdiń halyqaralyq qarjy uıymdarymen jáne Halyqaralyq valıýta qorymen yntymaqtastyǵy máselesi de talqylandy, dep habarlady Parlament Senatynyń baspasóz qyzmeti.