Naýryz aıynyń sońǵy kúninde Qazaq memlekettik qyzdar pedagogıkalyq ýnıversıtetinde ótken Qazaq handyǵynyń 550 jyldyǵyna arnalǵan «Qazaq handyǵynyń dara tulǵalary: erlik pen eldiktiń elshisi» atty ıntellektýaldy olımpıada márege jetti.
Almaty qalasy JOO stýdentteri qatysqan olımpıada 5 týrdan turdy.
Tarıh salasy boıynsha bilimderi synalǵan qalalyq olımpıadaǵa Sh.Ýálıhanov atyndaǵy Tarıh jáne etnologııa ınstıtýtynyń jetekshi ǵylymı qyzmetkeri, tarıh ǵylymdarynyń kandıdaty, dosent Áýezhan Shashaev bastaǵan tarıhshy mamandar qazylyq jasady.
Saıys qorytyndysy boıynsha I orynǵa Qazaq memlekettik qyzdar pedagogıkalyq ýnıversıtetiniń «Atameken» komandasy ıe boldy. II oryndy Almaty tehnologııalyq ýnıversıtetiniń «Han ordasy» komandasy men S.J.Asfendııarov atyndaǵy QazUMÝ «Ibn-Sına» komandasy ózara bólisti. III oryndy ál-Farabı atyndaǵy Qazaq ulttyq ýnıversıtetiniń «Jeruıyq» komandasy men Almaty ýnıversıtetiniń «Uly dala qyrandary» komandasy ıelendi. Sondaı-aq, Abaı atyndaǵy Qazaq ulttyq pedagogıkalyq ýnıversıteti «Suńqar» komandasy men Abylaı han atyndaǵy QazHQjÁTÝ-dyń «Úsh júz» komandalary arnaıy marapattaldy.
Aınash ESALI,
«Egemen Qazaqstan».
ALMATY.