Oblystyq halyq shyǵarmashylyǵy úıiniń muryndyq bolýymen Qazaq handyǵynyń 550 jyldyǵyna, Uly Jeńistiń 70 jyldyǵyna, Keńes Odaǵynyń Batyry Álııa Moldaǵulovanyń 90 jyldyǵyna jáne Qazaqstan halqy Assambleıasy men elimizdiń Ata Zańynyń 20 jyldyǵyna arnalǵan «О́nerim – mereıim» atty estafetasy bastaý aldy. Bul mádenı shara osymen úshinshi ret uıymdastyrylyp otyr. О́ner estafetasynyń maqsaty mádenıet jáne óner mekemeleri arasynda shyǵarmashylyq baılanysty damytý, ózara tájirıbe almasý jáne mádenıet qyzmetkerleriniń kásibı deńgeıi men mártebesin kóterý bolyp tabylady.
О́ner estafetasy eki aı ishinde oblystyń bir aýdanynan kelesi aýdanyna aýysyp, úlken shyǵarmashylyq sheberlik shyńdaý jolynan ótedi. Estafeta barysynda ár aýdan ózderiniń aýdandyq mádenıet úıleri men aýyldyq klýbtarynyń sýretterin «Qurmet kitabyna» engizip, kelesi aýdanǵa tapsyryp otyrady. О́ner estafetasy alǵash ótkizilgen jyly «Qurmet kitabyna» oblystyń mádenıeti men óneriniń damýyna úlesin qosqan tulǵalardyń sýretteri ense, al kelesi jyly shyǵarmashyl ujymdardyń sýretteri beriledi.
Osy joly oblystyq halyq shyǵarmashylyǵy úıiniń ánshileri, jyrshy-termeshileri Nurgúl Jumaǵulova, Qýanyshkúl Serikbaeva, Quralaı Álenova, halyqtyq jáne úlgili ataqtary bar bı ujymdary Alǵa aýdandyq mádenıet úıinde aýyl turǵyndaryna óner kórsetti. Bul sharaǵa aýdan ónerpazdary da qatysyp, kórermenderge án men bıden shashý shashty, kúımen kóńilderin kóterdi. Shara barysynda oblystyq halyq shyǵarmashylyǵy úıi dırektorynyń orynbasary Sánııa Jaryqova estafetanyń sımvoly «Qurmet kitabyn» osy aýdannyń mádenıet jáne tilderdi damytý bóliminiń basshysy Bekjan Appazovqa tabystady. Mundaı ónerdegi ómirsheń baılanystyń shyǵarmashylyqty damytýǵa yqpal etetini sózsiz. Sondyqtan da bolar, sońǵy jyldary óńirde ónerdiń qaı salasynyń damýy aıqyn ańǵarylady, oǵan jyl saıyn Aqtóbe óńirinde ónerdiń alýan salasynan baıqaý-konkýrstardyń, festıvaldardyń arta túsýi dálel bola alady. Sondaı-aq, túrli baıqaýlarǵa aýdannan shyqqan ónerpazdar qatysyp, oljaly oralyp júr. Mine, osyndaı alys aýyldardaǵy óner ıeleriniń sheberligin shyńdap, talantyn ashatyn mádenı sharalardyń arasynda «О́nerim – mereıim» atty óner estafetasynyń alar orny aıryqsha.
Satybaldy SÁÝIRBAI,
«Egemen Qazaqstan».
Aqtóbe oblysy.