О́mir jelisi

Aqtóbe qalalyq ákimdiginde aksııa aıasynda Uly Otan soǵysyna qatysýshylardyń bir tobymen kezdesý ótkizilip, olarǵa «Dabyl» túımeli uıaly telefon tabys etildi. Aksııanyń basty maqsaty – Uly Otan soǵysyna qatysý­shylardy «Dabyl» núktesi bar uıaly telefonmen qamtamasyz etý bolyp tabylady. Kezdesýde sóz alǵan qala ákiminiń orynbasary Aıgúl Arynǵazıeva aksııaǵa kelgen soǵys arda­gerlerin alda kele jatqan Uly Jeńistiń 70 jyldyǵymen quttyqtady, osy baǵytta atqa­rylyp jatqan ju­mystarǵa toqtaldy. Onyń aıtýynsha, oblys ortalyǵynda nebári 134 maıdanger turady eken. Merekege daıyndyq barysynda turǵyn úıin jóndeýdi, basqalaı da áleýmettik kómek­ti qajet etetin soǵys arda­ger­leriniń tolyq tizimi alynǵan. Merekelik sharalar ótetin jer­ler belgilengen, qaladaǵy Keńes Odaǵynyń Batyrlary men «Dańq» ordeniniń tolyq ıegerleri atyndaǵy kóshelerdi jóndeý, kóriktendirý jumys­tary júrgiziletin bolady. «Eýrazııalyq Medıa-fo­rým» halyqaralyq qorynyń óki­li Sabyrjan Dáýletııarov jeńisti jaqyndatqan qart jaý­yn­gerlerdi aldaǵy kele jat­qan mereıli merekelerimen qut­­tyqtap, «Jeńis.kz» saıty ashyl­ǵanyn, sol arqyly jas­tarǵa Uly Otan soǵysy jáne maı­dangerler týraly tolyq aqparat berýdi júıe­leı­tin­dik­terin jetkizdi. Al, «О́mir joly» qoǵamdyq qorynyń dırek­­­tory Ernar Nurbekov ardagerlerge «Dabyl» túımesi bar uıaly telefonnyń qalaı jumys isteıtinin túsindirdi. Sonyń ózinen keıingi tolqynnyń maıdangerlerge degen qurmeti erekshe ekenin ańǵartty. Búginde maı­dangerler qatary sıregen, kópshiligi syrqat. Telefonnyń bir jaqsysy – ony qulaǵy aýyr estıtin, kózi kórmeı qalǵan qart jaýyngerler erkin paıdalana alady. «Dabyl» túımesin bassa, aqparattyq dabyl Astana, Al­maty jáne Qaraǵandy qala­la­ryndaǵy operatorlarǵa túsedi. Olar birden soǵys ardagerine jaqyn jerden shuǵyl kómek brıgadasyn attandyrady. Ol osy ýaqytqa deıin 400-den astam ardagerge kómek kórsetilip, 3 maı­dangerdi ajal aýzynan aman alyp qalǵandaryn aıtyp ótti. Respýblıkalyq kómek orta­lyǵy «QazTelekom» bazasynda ju­mys jasaıdy. Bazada búginde jer basyp júrgen 5083 qart jaý­yngerdiń jaǵdaıy túzilgen kar­ta bar, odan maıdangerler týraly barlyq aqpa­rattardy tabýǵa bolady. Uly Otan so­­ǵy­­­synyń ardageri, Aqtóbe qa­la­­synyń qurmetti azamaty Vla­dımır Fınıýtın maıdangerlerge áleýmettik qoldaý kórse­tip, den­saýlyqtaryn túzeý­di udaıy na­zarda ustap, qadaǵalap tur­ǵan El­basyna, Úkimetke jáne jer­gilikti bılikke rızashylyǵyn bildirdi. Satybaldy SÁÝIRBAI, «Egemen Qazaqstan». Aqtóbe oblysy.