Shynaıy quttyqtaý

25 shildede Parıj qalasynyń Elıseı alańynda álemge áıgili “Týr de Frans” velojarysynyń sońǵy kezeńi ótti. Bas klassıfıkasııa boıynsha “Astana” komandasynyń kapıtany – ıspandyq veloshabandoz Alberto Kontador jeńimpaz atandy. Osyǵan oraı Fransııa Prezı­denti N.Sarkozı Qazaqstan Prezı­denti N.Nazarbaevqa óziniń shy­naıy quttyqtaýyn joldaǵanyn “Sa­muryq-Qazyna” UÁQ” AQ bas­qarmasynyń tóraǵasy Q.Kelim­be­tov­ke Fransııadaǵy Qazaqstan elshisi N.Dánenovtiń qatysýymen ótken jumys kezdesýi barysynda osy el Prezıdentiniń dıploma­tııa­lyq keńesshisi Jan-Davıd Levıtt jetkizdi. Kópkúndik jarystyń fınaldyq bóligine kelgen qazaqstandyq dele­gasııa da “Astana” komandasynyń tamasha jeńisine baılanysty Fran­sııanyń sport isteri jónindegi jaýapty hatshysy Rama Iаd ha­nymnan, osy el astanasynyń meri Bertran Delanoeden, Fransııa velosıped sportynyń prezıdenti Davıd Lappartıennen, “Týr de Frans” uıymdastyrý komıtetiniń bas­shylyǵynan jáne fransýz sport uıymdary ókilderinen qut­tyq­taýlar aldy. Sol kúni “Astana” komanda­sy­nyń bas demeýshisi bolyp taby­latyn “Samuryq-Qazyna” UÁQ” AQ basshylyǵy Fransııadaǵy Qazaqstan elshiliginiń qoldaýymen velokomanda múshelerine arnap qa­byldaý uıym­dastyrdy. Oǵan BAQ, Fran­sııanyń qoǵamdyq-saıası isker top­tarynyń ókilderi qatysty. El bas­shylyǵy atynan qatysýshylar al­dynda Q.Kelim­be­tov sóz sóılep, A.Kontadordy jeńisimen, al barlyq komandany “Týr de Frans” báı­gesine tabysty qatysqandary úshin alǵys aıtyp, quttyqtady. Qazaqstan Prezıdenti N.Nazarbaevtyń koman­daǵa qol­daýy jáne eldegi velo­sporttyń damýyna kóp kóńil bólip otyrǵany da basa aıtyldy. “Samuryq-Qazyna” UÁQ” AQ bas­qarmasynyń tóraǵasy Q.Kelim­betov Parıjde bolǵan kezinde sonymen qatar Fransııanyń isker top ókilderimen de kezdesti, dep ha­barlady Syrtqy ister mınıstr­li­giniń baspasóz qyzmeti.