Úzdik poshtashyǵa berilgen syılyq

«Qazposhta» AQ-tyń  oblystyq fılıalynda «Ýchaskelik poshtashy» atty jańa joba engizildi. Jergilikti fılıal basshysy Abylaı Ábishevtiń  aıtýynsha, jalpy, bul jobanyń  maqsaty – bólimshelerde jumys jasaıtyn ár poshtashynyń ózi qyzmet kórsetetin aýdanda turǵyndarǵa qanshalyqty tanylatyndyǵyn anyqtaý. Ekinshiden, poshtashy mamandyǵynyń bedelin kóterý.Úshinshiden, qoǵamnyń poshtashyǵa nazar aýdarýy qandaı dárejede degen suraqtarǵa jaýap izdeldi. Aıtsa aıtqandaı-aq, árıne, túrli taqyryptaǵy poshta qyzmeti jaıly osyndaı jobalar óte qajet. Bul jalpy qoǵamnyń,  jergilikti atqarýshy organdardyń nazaryn aýdarýǵa tıis dep oılaımyz. Qazir poshta baılanysynyń  jumysynda máseleler az emes. Mysaly, qa­ladaǵy turǵyn úılerde poshta jáshikteri ábden tozyǵy jetken. Qalalyq ákimdiktiń nazar aýdarmaı, qolǵa almaı turǵany osy. Bul bir.  Ekinshiden, shalǵaıdaǵy aýyl joldarymen kún ara gazet-jýrnal jetkizý múmkin emes. Sondyqtan, osy maqsat boıynsha, «Ýchaskelik poshtashy», «Úzdik poshtashy» degen taqyryp aıasynda baıqaý uıymdastyryldy. Baıqaýǵa qatysý úshin  úmitkerlerler óti­nishterin jiberdi. Al, qala tur­ǵyndary daýys berý arqyly óz poshtashylaryn tańdap berdi. Sóıtip, baıqaý qorytyndysyn­da  Gaýhar Qabykenqyzy, Gúlnar Qajenovalar aqshalaı syılyqqa ıe  boldy. Oblys ortaly­ǵyn­daǵy №13 poshta bólim­shesiniń  bel­sendi qyzmetteri atalyp ótti. Barlyq qatysýshylarǵa yntalan­dyrý syılyqtary berildi. Sonymen qosa, baıqaý jeńimpazy  Gaýhar Qabykenqyzyna «2014 jyldyń úzdik ýchaskelik poshtashy» nomınasııasy boıynsha  belesebet berildi. Aldaǵy ýaqytta  «Ýchaskelik poshtashy», «Úzdik poshtashy» baıqaýy jyl saıyn jáne tek qana qalada emes, aýyl­darda, aýdan orta­lyqtarynda «Qazposhta» AQ bar­lyq oblystyq fılıaldarynda ótkizýdi josparlap otyr. – О́ıtkeni, bul joba  maqsaty  poshtashy­lardyń gazet-jýrnal, hat-habar taratýda belsendi  jumys jasaýlary úshin korporatıvtik rýhty kóterip, eńbekke degen ynta-yqylas týdyrady, – deıdi Abylaı Ábishev. Farıda BYQAI, «Egemen Qazaqstan». PAVLODAR.