ASTANA. 12 naýryz. Indonezııanyń Djokıakarta qalasynda turatyn Vına Lı esimdi áıel (sýrette) saýdaǵa úıin, oǵan japsarlas salynǵan garajyn, keń aýlasyn jáne... ózin qosa shyǵardy. Bul týraly Lenta.ru habarlady.
Áıelge mundaı ıdeıany jyljymaıtyn múlikter jónindegi agent bergen kórinedi. Eki jatyn bólmesi, eki vannasy jáne balyqtar ósiretin toǵany bar bir qabatty úı 77 myń dollarǵa baǵalanǵan. Úıdiń satylatyny týraly jarnamany rıeltor saıtyna ornalastyrǵan agent «Úıdi suralǵan baǵa boıynsha satyp alyp, áıeldi qosa ıemdenińiz» dep jazyp qoıypty. Al 40 jastaǵy Vına Lıdiń aıtýy boıynsha, onyń osy kezge deıingi mahabbat mashaqattarynyń bári sátsiz aıaqtalypty. Degenmen, ol áli úmitin joǵalta qoımaǵanǵa uqsaıdy.
«Meniń aldymen úıdi satqym kelgen, al eger oǵan qosa janymdy túsinein adam kezdesip jatsa, tipti qatyp keter edi», - deıdi áıel. Agenttiń aıtýy boıynsha, qazir úıdi satyp alýǵa tilek bildirýshilerde esep joq sııaqty. Ony satyp alýshynyń áıeldi qosa alýy mindetti emes ekeni aıtylǵanyna qaramastan, úılemeýshiler qatary úziletin emes.
Murat Aıtqoja.