QOSTANAI. 18 qazan. Qostanaıda memlekettik qyzmetti reformalaý jóninde semınar ótti. Oǵan Aqtóbe, Aqmola jáne Soltústik Qazaqstan men Qostanaı oblysynyń ókilderi men Qazaqstanda memlekettik qyzmettiń jańa úlgisiniń jobasyn jasaǵan Eýroodaq sarapshylary qatysty. Bul týraly egemen.kz tilshisi habarlady.
Joba 2011 jyly qabyldanǵan memlekettik qyzmet tujyrymdamasynyń jańa úlgisi aıasynda júzege asyrylady, ony Eýroodaq qarjylandyrady, 2012 jyly bastalyp, 2016 jyly aıaqtalady. Semınarda Eýroodaq jasaǵan «Memlekettik qyzmetti reformalaý jáne jańǵyrtý» jobasynyń negizgi sarapshysy, Maksımılıan Fedınger memleketitk qyzmetti reformalaýdyń halyqaralyq tájirıbesismen tanystyrdy. Eýropa elderinde júrgizilip jatqan jumystardyń ustanymy – zańnyń ústemdik qurýy bolyp tabylady, zań ústemdik qurǵanda ashyqtyq, eseptilik, móldirlik jáne nátıjelilikpen tıimdilik bolady.
Eýroodaq jobasynyń negizgi sarapshysy Maksımılıan Fedınger: «Bul ustanymdar kez kelgen eldegi memlekettik qyzmettiń negizi boyp tabylady. Alaıda, ózge eldiń tájirıbesin sol kúıinshe kóshirip alý úlken qatelik bolady. Ár eldiń óziniń shynaıy mazmuny kómeskilenbeýi tıis», – dedi.
Sheteldik sarapshy sybaılas jemqorlyqqa yńǵaılanǵysh eki sektordy aıyryqsha aıtty. Biri memlekettik satyp alý, ekinshisi qyzmetshilerdi qyzmetke alý, laýazymyn ósirý bolyp tabylady. Qyzmetke alýda, dlaýazymyn ósirgende móldirlik saqtalsa sybaılas jemqorlyqqa qarsy turýǵa bolatynyn aıtty sarapshy.
Fedınger kásibı ákimshilikti saıasattan aýlaqtaý jáne memlekettik qyzmette tek kásibı jetistigine qarap joǵary ósirý kerektigin de sybaılas jemqorlyqtyń aldyn alý ustanymdaryna qosty.
Názıra Járimbetova.
Derek, sýret: egemen.kz.