Jýyrda Adam quqyqtary jónindegi ýákildiń tapsyrysy boıynsha Adam quqyqtary jónindegi ulttyq ortalyqtyń qyzmetkeri Soltústik Qazaqstan oblysyndaǵy ES-164/4 túzetý mekemesine baryp keldi. Sapar toptyq dene múshesine zaqym keltirý jáıti boıynsha BAQ-taǵy aqparat týdyrǵan qoǵamdyq únqatýǵa baılanysty jasaldy.
2010 jyldyń 21-22 shildesinde 37 aıyptalǵan dene múshesine zaqym keltirý áreketin jasaý arqyly bul mekemede ustaý jaǵdaılaryna narazylyqtaryn bildirgen. Ortalyqtyń qyzmetkeri mekemege kelgen kezde barlyq zardap shekkenderge qajetti medısınalyq kómek kórsetilgen edi.
Jaǵdaıdy zertteý barysynda ombýdsmen ofısiniń qyzmetkeri ES-164/4 mekemesiniń basshylyǵymen kezdesýler men suhbattasýlar ótkizdi. Sonymen birge Qylmystyq-atqarýshy júıe komıtetiniń, prokýratýra men ishki ister organdarynyń ókilderimen birlese jeke másele boıynsha aıyptalǵandardy qabyldady.
Aıyptalǵandardyń shaǵymdarynda mekemedegi kommýnaldyq-turmystyq jaǵdaılarǵa kóńili tolmaýshylyq, sýmen jetkiliksiz qamtamasyz etý, tamaqtandyrý sapasy, salalyq medısınalyq mamandardyń bolmaýy, sondaı-aq turǵylyqty meken-jaıy boıynsha jazany keshý problemalary kórinis tapqan.
Qazirgi ýaqytta músheni zaqymdaýshylyq dáleli boıynsha oblystyq prokýratýra ókilderi tekseris ótkizip jatyr. Soltústik Qazaqstan oblysy ákiminiń janynda jaǵdaıdy zertteý jáne turaqtandyrý jónindegi komıssııa quryldy, aýdandyq jáne oblystyq densaýlyq saqtaý mekemeleriniń medısınalyq mamandary aıyptalǵandardy qabyldaý men qaraýdy uıymdastyrdy.
Osy mekemede oryn alǵan jaǵdaıǵa alańdaýshylyqty bildire otyryp, onyń basshylyǵyna aıyptalǵandarmen qarym-qatynas jasaý men uqsas faktilerdi boldyrmaý salasynda ulttyq jáne halyqaralyq normalar men standarttardy qamtamasyz etý boıynsha kidirissiz sharalar qoldaný usynyldy.
Adam quqyqtary jónindegi ýákil apparatynyń baspasóz qyzmeti.