ASTANA. 12 naýryz. Keshe túnde Chempıondar lıgasynyń 1/8 fınalynda eki oıyn ótti. Bul týraly egemen.kz habarlady.
Bir qyzyǵy, eki oıynda da qyzyl qaǵaz tirkelip, fýtbolshylar alańnan qýyldy. Dál osy jaıt jankúıerler arasynda qyzý talqyǵa túsýde. Kópshiligi tóreshilerdiń tym asyra siltep jibergenin aıtýda. Tipti keıbir jankúıerler ««Chelsıge» tóreshi de kómektese almady. «Shyn sheberge tusaý joq» degen osy», – dep qyzyl qaǵazdyń orynsyz bolǵanyn synǵa alýda.
Qalaı desek te, bolǵan is boldy, boıaýy sińdi. Endi PSJ-nyń shırek fınaldaǵy alǵashqy oıynyna Zlatan Ibragımovıch qatysa almaıdy.
«Bavarııa» men «Shahter» (Donesk) arasyndaǵy oıynda bas qazy qaltasyndaǵy qyzyl qaǵazdy 3-mınýtta-aq paıdalandy. О́z aıyp alańynda Marıo Getseni shalyp jyqqan Aleksandr Kýcher denesi qyzyp ta úlgermesten, alańnan ketýge májbúr boldy. Ol azdaı bas qazy «Bavarııanyń» paıdasyna penaltı belgiledi. Bul jerde de qyzyl qaǵazdyń ádil bolmaǵany aıtylýda. Jankúıerler arasynda «Sary qaǵazben shektelse de eshkim renjimeıtin edi. Tipti mıýnhendikter de «nege qyzyl qaǵaz emes?» dep shý shyǵarmaıtyny anyq. Biraq tóreshiniń oıy múldem basqa bolyp shyqty», – degen syńaıdaǵy pikirler týyndaýda. Siz, qalaı oılaısyz, qurmeti oqyrman? Qyzyl qaǵaz qanshalyqty ádil boldy?
Elaman Qońyr.
Derek: egemen.kz.
Sýret: twitter.com.