QYZYLORDA. 19 qazan. Qyzylorda oblysynda «Brakoner» jedel-profılaktıkalyq is-sharasy ótýde. 5 qazanda bastalǵan shara osy aıdyń 25-inde aıaqtalady. Bul týraly egemen.kz habarlady.
Osyǵan oraı barlyǵy 34 mobıldik top qurylyp, 324 kúsh-quraldar jumyldyryldy. Sharanyń 10 kúninde oblys boıynsha barlyǵy 120 ekologııalyq zań buzýshylyq anyqtaldy. Onyń ishinde, zańsyz aǵashtar men butalardy kesýdiń – 7, zańsyz ań aýlaýdyń – 49, zańsyz balyq aýlaýdyń – 32, azamattyq qarýdy tasymaldaý, saqtaý erejesin buzýdyń – 32 deregi tirkeldi. Anyqtalǵan 110 ákimshilik quqyq buzýshylyq deregi boıynsha 733 myń 880 teńge kóleminde aıyppuldar salyndy.
Zańsyz ań, balyq aýlaýmen jáne zańsyz butalar men aǵashtardy kesýmen ustalǵan 14 avtokólik tárkilenip, aıyp alańdaryna jetkizildi. Atalǵan merzimde barlyǵy 11 qylmystyq is qozǵalyp, 1 qylmystyq is sotqa joldanyp, qalǵan 10-y boıynsha sotqa deıingi tergep-tekserý amaldary júrgizilýde.
Erjan Baıtiles.
Derek, sýret: egemen.kz.