AQTО́BE. 12 naýryz. Aqtóbede jol-kólik apatynan bolatyn adam ólimi azaıar emes. Bul týraly egemen.kz tilshisi habarlady.
Qazirgi tańda Aqtóbe oblystyq Ishki ister departamenti basshylyǵyn jol-kólik oqıǵasy saldarynan oryn alǵan adam ólimi máselesi erekshe alańdatyp otyr. Jyl basynan beri oblystyń avto joldarynda bolǵan apattan 20 adam kóz jumdy. Bul ótken jyldyń osy kezeńimen salystyrǵanda eki esege kóp. Júrgizilgen monıtorıng nátıjesine sáıkes aýyr zardaptarǵa alyp kelgen jol-kólik oqıǵalarynyń basty sebebi – júrgizýshilerdiń kólik júrgizý tártibiniń tómendigi, atap aıtqanda, jyldamdyq rejımin buzý, joldyń qarsy baǵytyna shyǵyp ketý, kólik quralyn mas kúıinde basqarýdan ekeni anyqtaldy.
Osyǵan baılanysty Jol qozǵalysy erejelerin óreskel buzýshylyqtardyń aldyn alý men jolyn kesý maqsatynda bıyl oblys aýmaǵynda bes profılaktıkalyq is-shara ótkizildi. Mysaly, 7-9 naýryz aralyǵynda «Mas júrgizýshi – qylmysker» atty jedel aldyn alý is-sharasy uıymdastyrylyp, sonyń nátıjesinde, jol qozǵalysy salasynda bir jarym myńnan astam ereje buzýshylyq anyqtaldy. Sonyń ishinde, jyldamdyq rejımin buzǵan 125 júrgizýshi ákimshilik jaýapkershilikke tartyldy, kólikti mas kúıinde basqarǵan 51 júrgizýshi ustalyp, joldyń qarsy baǵytyna shyǵyp ketýdiń 5 deregi anyqtaldy.
Satybaldy Sáýirbaı.
Derek: egemen.kz.
Sýret: today.kz.