Premer-Mınıstrdiń birinshi orynbasary Baqytjan Saǵyntaev VIII Astana ekonomıkalyq forýmynyń ekinshi jumys kúni sheńberinde oǵan qatysýshylarmen birqatar ekijaqty kezdesýler ótkizdi, dep habarlady Premer-Mınıstrdiń baspasóz qyzmeti. AQSh Memlekettik hatshysynyń bas kómekshisi Kýrt Tong pen Baqytjan Saǵyntaev kezdesý barysynda Eýrazııalyq ekonomıkalyq odaq sheńberinde, sondaı-aq, Ortalyq Azııa óńirinde saýda kedergilerin joıý jáne tutynýshylardy qorǵaý máselelerin talqylady. Sol sııaqty, taraptar «Jibek jolynyń ekonomıkalyq beldeýi» bastamasy sheńberindegi, sonyń ishinde, shetel kompanııalaryn tarta otyryp, múmkin degen ınfraqurylymdyq jobalarǵa qatysty pikir almasty. Garvard ýnıversıtetiniń professory Kennet S.Rogoff álemdik ekonomıka damýyndaǵy ózgeristerge, sondaı-aq, ekonomıkalyq ósý qarqynyn saqtaý úshin Qazaqstan qabyldaýy tıis naqty qadamdarǵa qatysty óz oıymen bólisti. Kennet S.Rogoff pen Baqytjan Saǵyntaev AIFC Astana halyqaralyq qarjy ortalyǵynyń bolashaqta jumys isteýi jáne qazaqstandyq bızneske memlekettik qoldaý sharalaryn talqylady. BUU Ekonomıkalyq jáne áleýmettik máseleler departamentindegi ekonomıkalyq damý máseleleri boıynsha Bas hatshynyń assıstenti Lennı Montel kezdesý barysynda Qazaqstan Prezıdenti Nursultan Nazarbaev reformalarynyń turaqty damý qaǵıdattaryna sáıkes keletinin atap kórsetti. Onyń aıtýynsha, ol memlekettik qyzmet reformasyn, sot júıesiniń salqynqandylyǵyn qarastyryp, sonymen birge, memleketti óz azamattary aldynda neǵurlym móldir jáne esep beretindeı jasaıdy.
•
23 Mamyr, 2015
Ekonomıkanyń ósý joldary sóz boldy
345 ret
kórsetildi