QARAǴANDY. 1 qyrkúıek. Qaraǵandyda departamentterdiń birinde bastyqtyń orynbasary bolyp qyzmet etetin sheneýniktiń páterin urylar úptep ketti. Bul týraly oblystyq ishki ister basqarmasynyń baspasóz qyzmeti habarlady.
Úıde eshkimniń joqtyǵyn bilgen urylar ekinshi qabattaǵy páterge jeti qarańǵy túnde balkon arqyly túsken.
Keıin belgili bolǵandaı, urylar noýtbýk, zergerlik buıymdar, 245 myń teńge aqsha, fotoapparat, kıim-keshek sııaqty materıaldyq ıgilikterdi alyp ketken. Qoldy bolǵan zattardyń jalpy quny 984 myń teńge boldy.
Qazirgi ýaqytta osy oqıǵa boıynsha qylmystyq is qozǵalyp, kúdiktilerdiń kim ekendigi anyqtalý ústinde.
Qaırat Ábildınov.
Derek: Qaraǵandy oblystyq ishki ister basqarmasynyń baspasóz qyzmeti.
Sýret: tehnews.kz.