ASTANA. 12 naýryz. Fýtboldan 2018 jyly Reseıde ótetin chempıonattyń jalaýy kóterilýine úsh jarym jyldaı qalǵan ýaqytta janjal shyqty. Zımbabve qurama komandasy osy birinshiliktiń irikteý týrnırinen shyǵaryp tastaldy. Bul týraly «Sovetskıı sport» habarlady.
«Zımbabve quramasy 2018 jylǵy álem chempıonatynyń irikteý týrnırinen shyǵaryldy», - delingen FIFA-nyń resmı saıtynda jarııalanǵan málimette. Bul Zımbabve fýtbol assosıasııasynyń brazılııalyq jattyqtyrýshy Joze Klaýdınıa Jorjını aldyndaǵy jalaqy qaryzdaryn belgilengen merzimge deıin ótemegendigi úshin berilgen jaza ekeni de belgili bolyp otyr.
Endigi álem chempıonaty 2018 jylǵy 14 maýsymnan 15 shildege deıin Reseıde ótedi. Búgin Azııa aımaǵynda irikteý týrnıriniń alǵashqy matchtary oınalady.
Damır Qojamqul.
Derek, sýret: «Sovetskıı sport».