Áleýmettik qorǵaý – barshaǵa ortaq

Qaraǵandyda Eńbek jáne ha­lyqty áleýmettik qorǵaý mınıstr­li­gi men BUU-nyń Qazaqstandaǵy Damý baǵdardamasynyń “Múgedek­ter­diń quqyqtary  týraly BUU kon­vensııasy sheńberinde múm­kin­digi shekteýli adamdardy áleýmettik qorǵaý júıesin jetildirý jáne arnaýly qyzmet kórsetý júıesin da­mytý” atty birlesken jobasy aıa­synda Múmkindigi shekteýli azamat­tardyń quqyqtaryn qamtamasyz etý, ómir súrý sapasyn jaqsartý  jónindegi  uzaq merzimdi perspek­tı­vaǵa arnalǵan ulttyq is-qımyl josparyn ázirleý jónindegi jumys toby men Múgedekterdi áleýmettik qorǵaý salasyndaǵy  úılestirý keńesiniń  birlesken otyrysy, sondaı-aq “Arnaýly áleýmettik qyzmetter týraly” Qazaqstan Respýblıkasy Zańynyń iske asyrylý máseleleri talqylan­ǵan keńes ótti. Ony Eńbek jáne halyqty áleý­mettik qorǵaý  mınıstri Gúlshara Ábdiqalyqova ashyp, júrgizdi. Sóz oraıynda atalyp ótkendeı, jumys toby men úılestirý  keńesiniń ne­giz­gi mindetteri múgedekterdi  áleý­mettik qorǵaý máselesi boıynsha usynystar ázirleý, ortalyq jáne jergilikti atqarýshy organdardyń, uıymdar men qoǵamdyq birlestik­terdiń múgedekterdi áleýmettik qor­ǵaýdy qamtamasyz etý, olarǵa ómir súrýge jáne qoǵamǵa  kirigýge teń jaǵ­daı jasaýda ózara qarym-qatynasty qalyptastyrý  bolyp tabylady. Búginde Qazaqstandaǵy barlyq sanattaǵy múgedekterdiń sany 485,4 myń adamnan astam nemese halyq­tyń 3 paıyzyn quraıdy. 2008 jyl­dyń jeltoqsan aıynda elimiz  “Múgedekterdiń quqyqtary týraly” konvensııaǵa qol qoıdy. Múgedek adamdardyń quqyqtaryn qorǵaýǵa, olardy áleýmettik kiriktirýge baǵyttalǵan is-sharalar qazir beleń alyp keledi. Ázirlenip jatqan Múmkindigi shekteýli adamdardyń quqyqtaryn qamtamasyz etý jáne ómir súrý sapasyn jaqsartý jónindegi uzaq merzimdi perspektıvaǵa arnalǵan ulttyq is-qımyldar jospary elimizge Múgedekterdiń quqyqtary týraly BUU konvensııasyn ratı­fı­kasııalaý joldary men úderis mer­zimin anyqtaýǵa múmkindik beredi. Keńeste Eńbek jáne halyqty áleýmettik qorǵaý, Densaýlyq saq­taý, Bilim jáne ǵylym, Qarjy vı­se-mınıstrleriniń esepteri tyń­dal­dy. Úkimettik emes uıymdar je­tekshileri óz oı-pikirlerin ortaǵa saldy. Osy alqaly jıynǵa qatysýshy­lar Qaraǵandydaǵy balalar júıke-nevrologııalyq jumysymen, ońal­dy­rý qural-jabdyqtary kórmesi­men tanysty. Múgedekterge qyzmet kórsetý boıynsha tájirıbe alma­syldy. Tıisti qaýlylar qabylda­nyp, naqty tapsyrmalar belgilendi. Aıqyn NESIPBAI. QARAǴANDY.