QOSTANAI. 1 qyrkúıek. Qostanaıda «Qazaqstannyń úzdik taýarlary» baıqaý-kórmesiniń oblystyq satysynyń qorytyndysy shyǵaryldy. Bul týraly egemen.kz tilshisi habarlady.
Otandyq ónimderdiń sapasyn kóterý maqsatynda ótkizilgen baıqaý-kórmeni oblys ákimdigi men respýblıkalyq kásipkerlerdiń «Atameken» Ulttyq palatasynyń oblystyq bólimshesi -- Kásipkerlerdiń oblystyq palatasy uıymdastyrdy.
Kórmege óz taýarynyń sapasyna sengen 13 kásiporyn qatysýǵa usynys bildirdi. Sonyń ishinde 8 kásiporyn bıyl birinshi ret baǵyn synady. Eki kásiporyn respýblıkalyq «Altyn sapa» baıqaýyna qatysýǵa nıet bildirip otyr. Mysaly, «Eýraz Kaspıan Stal» jaýapkershiligi shekteýli seriktestigi ótken jyly ǵana jumysyn bastaǵan bolatyn. Onyń óndirgen metallılekterin oblystan syrt jerler, shet elder alyp jatyr. Aýyl sharýashylyǵynda «Kamensk-Ýralsk» jaýpakershiligi shekteýli seriktestigi qymyz óndirisimen aınalysady. Kúnine 150 lıtr qymyz óndirip, qaladaǵy birneshe saýda oryndaryn qamtamasyz etedi.
Baıqaý-kórmeniń aıasynda ǵylymı-teorııalyq konferensııa ótip, onda kásipkerlerge baıqaýǵa qatysýǵa qujat daıyndaý máselelsi, kásiporyndar óndirisin damytý máseleleri qaraldy. Sońynda baıqaý qorytyndysy shyǵaryldy. Onda úsh atalym boıynsha kásiporyndar arasyndaǵy jeńimpazdar anyqtalyp, olarǵa sertıfıkattar men syılyqtar tabys etildi. «Úzdik óndiristik taýarlar» atalymy boıynsha birinish oryndy «Evraz Kaspıan Stal» JShS, «Úzdik azyq-túliktik taýarlar» atalymy boıynsha birinshi oryndy «Aıan-Ozat» JShS, «Halyq tutynatyn úzdik taýarlar» atalymynyń úzdigi «SaryarqaAvto Prom» JShS dep tanyldy.
Názıra Járimbetova.
Derek, sýret: egemen.kz