Keshe Aqordada Memlekettik hatshy Gúlshara Ábdiqalyqova «Ardagerler uıymy» Ortalyq keńesiniń tóraǵasy О́mirzaq Ozǵanbaev bastaǵan uıymnyń ókilderimen jáne memlekettik organdar basshylary: Qorǵanys mınıstriniń birinshi orynbasary – Qarýly Kúshter Bas shtabynyń bastyǵy Sáken Jasuzaqov, Densaýlyq saqtaý jáne áleýmettik damý vıse-mınıstri Dáýlet Arǵyndyqovpen Uly Otan soǵysyndaǵy Jeńistiń 70 jyldyǵyn merekeleýge daıyndyq máseleleri boıynsha kezdesý ótkizdi.
О́ziniń sózinde Memlekettik hatshy Uly Otan soǵysyna 1 mln. 800 myńǵa jýyq qazaqstandyqtyń qatysqanyn atap ótti. Jaýyngerlik erligi úshin júzdegen myń qazaqstandyq jaýyngerler men ofıserler orden-medaldarmen marapattaldy. Sonyń ishinde 500-deı adam Keńes Odaǵynyń Batyry atandy, 110 jaýynger «Dańq» ordeniniń úsh dárejesimen nagradtaldy. 630 myńnan astam qazaqstandyq qııan-keski urystarda qaza tapty nemese aýyr jaraqattardyń saldarynan kóz jumdy. Sondaı-aq, júzdegen myń adam habar-osharsyz ketti jáne tutqynnan oralmady. Jalpy aıtqanda, qolyna qarý ustap maıdanǵa barǵan árbir ekinshi adam Jeńis jolynda qurban boldy.
G.Ábdiqalyqova 2015 jylǵy 1 naýryzdaǵy jaǵdaı boıynsha Qazaqstanda 4776 soǵys ardageri men 192 980 tyl eńbekkeri bar ekenin habarlady. Ol el Prezıdenti Nursultan Nazarbaevtyń «ardagerler qaharmandyqtyń, yntymaqtyń, birliktiń úlgisin kórsetti, sondyqtan búgingi kún kóptegen urpaq úshin aqıqat saltanat qurǵan kún bolyp sanalady» degen sózi ózekti ekenin atap ótti.
О́.Ozǵanbaev Jeńis kúnin merekeleýge qatysty ardagerler arasyndaǵy hal-ahýalmen tanystyrdy. Sózin ardagerler máselesine bólinip otyrǵan nazarǵa jáne olardyń máselelerin talqylaýǵa berilip otyrǵan múmkindikke alǵys aıtýdan bastaǵan ol qarttarymyzdyń arasyndaǵy jalpy ahýaldyń jaqsy ekenin jetkizdi. Soǵys ardagerlerine úlken qamqorlyqtar jasalyp otyr. Olarǵa turǵyn úıler berilýde, kommýnaldyq tólemderden bosatylǵan, medısınalyq kómekter úılerinde jasalyp turady. «О́mir beldeýi» aksııasy úshin ardagerlerden alǵystar jaýýda. Osy kúnderi barlyq maıdangerlerge «jedel járdemdi» týra shaqyra alatyn «tótenshe túımeshesi» bar utqyr jabdyqtar taratylyp bolyp qaldy. Bul bizdiń maıdangerlerimizdiń ómirin uzarta túsýge septigin tıgizýde. Jýyrda ǵana ardagerler arasynda ótken «Qaıran erler, qaharman ardagerler!» respýblıkalyq kórkemónerpazdar shyǵarmashylyǵynyń festıvali aıaqtaldy. Oǵan elimizdiń barlyq túkpirinen 50 myńnan artyq ardager tartylyp, ózderiniń ónerlerin ortaǵa salyp serpilip qaldy.
Endi, 22 sáýirde festıval laýreattarynyń Astana qalasynda gala-konserti bolmaqshy, dedi Qazaqstan ardagerleri Ortalyq keńesiniń tóraǵasy.
Odan ári О́.Ozǵanbaev ardagerler uıymy «Nur Otan» partııasy, Qorǵanys, Densaýlyq saqtaý jáne áleýmettik damý, Bilim jáne ǵylym, Mádenıet jáne sport mınıstrlikteri men «Samuryq-Qazyna» UÁQ-pen birlese otyryp, mańyzdy qoǵamdyq sharalardyń bárine belsene qatysatynyn aıtty.
Sáken Jasuzaqov pen Dáýlet Arǵyndyqov Jeńis kúnin merekeleýge daıyndyqtyń barysy týraly habardar etti. Sonyń ishinde áskerı sherýge daıyndyq pen soǵys ardagerleri men tyl eńbekkerlerine áleýmettik, materıaldyq jáne medısınalyq kómek jumystarynyń barysy týraly aıtyldy.
Kezdesý sońynda Memlekettik hatshy Jeńistiń 70 jyldyǵyna oraı ótetin saltanattar – qazaqstandyq patrıotızmniń damýyna qýatty serpin beretin adamzat tarıhyndaǵy eń surapyl soǵystaǵy bizdiń atalarymyz ben ákelerimizdiń ǵasyrlar boıy óshpeıtin erligine taǵzym etý ekenin atap ótti.
Kezdesý qorytyndysy boıynsha, Memlekettik hatshy G.Ábdiqalyqova Uly Jeńistiń 70 jyldyǵyn merekeleýge daıyndyq máseleleri boıynsha keıbir memlekettik organdarǵa birqatar tapsyrma berdi.
Jaqsybaı SAMRAT,
«Egemen Qazaqstan».