ASTANA. 6 shilde. Tártip saqshylary Shymkentte áıeldi taspen uryp óltirdi degen kúdikpen er kisini qolǵa túsirdi. Bul týraly tvk telearnasy habarlady.
Qalalyq ishki ister basqarmasynyń basshysy Danııar Meıirhannyń habarlaýynsha, kúdiktini shuǵyl áreket etý toby Jambyl oblysynda qolǵa túsirgen. Jasy 34-te. Al qaza tapqan áıeldiń jasy 26-da bolǵan.
Aıta keteıik, atalǵan telearna 4 shilde kúni qalanyń 11-shaǵyn aýdanynda áıel adamnyń denesi tabylǵany jaıynda habarlaǵan bolatyn. Onda azamatshanyń basyn bireý taspen uryp, janshyp ketkeni aıtylǵan. Aýyr soqqydan jábirlenýshi oqıǵa ornynda qaza tapqan. Alaıda, jaqyn mańdaǵy úıdiń turǵyndary eshqandaı kúdikti daýysty estimegen.
Talǵat Raıymbek.
Derek: tvk.
Sýret: tengrinews.kz.