ASTANA. 4 sáýir. Anglııanyń soltústik-shyǵysyndaǵy Nottıngem qalasynda stýdentter jataqhanasynan órt shyqty. Saldarynan birneshe stýdent zardap shekti. Olardyń arasynda qazaqstandyqtar da bar. Bul týraly khabar.kz habarlady.
Tilsiz jaý ǵımaratqa aıtarlyqtaı zaqym keltirdi. Sondaı-aq, stýdentterdiń kıim-keshekteri men dúnıe-múlikteri de otqa orandy. О́rt sóndirý kezinde ondaǵan adam qaýipsiz jerge kóshirildi.
«QazAlıans» shet elderdegi qazaqstandyq stýdentter birlestiginiń prezıdenti Rashıd Aıýpovtyń aıtýynsha, zardap shekkenderdiń arasynda eki otandasymyz bar. «Ekeýi de sol jaqta bilim alýda. Biz apattan keıin olarmen habarlasyp, alǵashqy kómegimizdi kórsettik. Árqaısysyna ýaqytsha jatatyn oryn taýyp, kıim-keshek alý úshin 500 fýnt sterlıngten bir mezettik qarjy aýdaryldy. Sondaı-aq, Ulybrıtanııadaǵy «Bolashaq» stıpendııasynyń ókilderi de kómek qolyn sozýda», – deıdi R.Aıýpov.
Aıta keteıik, jataqhana buryn temeki fabrıkasynyń ǵımaraty bolǵan.
Bilim jáne ǵylym mınıstrliginiń derekterine súıensek, 2014 jyly shet elderde oqıtyn otandastarymyzdyń sany 45 myńdy quraǵan. Sonyń ishinde Ulybrıtanııada 4 000 qazaqstandyq bilim alýda.
Elaman Qońyr.
Derek, sýret: khabar.kz.