QARAǴANDY. 1 qyrkúıek. Kenshilerdiń kásibı merekesi qarsańynda «ArselorMıttal Temirtaý» aksıonerlik qoǵamynyń kómir departamenti shahtalarynyń 14 qyzmetkeri I dárejeli «Shahter dańqy» qurmet belgisimen marapattaldy. Bul týraly egemen.kz tilshisi habarlady.
Soynmen qatar, alpaýyt kompanııaǵa qarasty kómir departamenti shahtalarynyń jáne kásiporyndarynyń 1,5 myńnan astam qyzmetkeri túrli nagradalarǵa ıe boldy.
Saltanatty jıynnan keıingi merekelik konsertte kenshiler qaýymynyń aldynda jergilikti jáne qazaqstandyq ártister óner kórsetti. Sondaı-aq, 80-shi jyldardaǵy belgili nemis toby «Shyńǵyshan» (Dschinghis Khan) da án shyrqady.
Shahterler merekesi óńirdiń Sátbaev, Jezqazǵan jáne Balqash qalalarynda da óz deńgeıinde toılandy. Kompanııanyń eńbektegi ozat qyzmetkerleri marapattalyp, jumys babynda qaza tapqan kenshilerdiń otbasylary men qyzmeti saldarynan múgedek bolyp qalǵan jumyssyzdarǵa materıaldyq kómek kórsetildi.
Keniler kúni merekesi jyl saıyn tamyz aıynyń sońǵy jeksenbisinde toılanady.
Qaırat Ábildınov.
Sýret, derek: egemen.kz.