ASTANA. 4 sáýir. AQSh-tyń Kentýkkı shtatynda júkti áıel el prezıdenti Barak Obamanyń kesirinen kóshede bosanýǵa májbúr boldy. Lýısvıll qalasynda tirkelgen jaıt qazir áleýmettik jelilerde qyzý talqylanýda. Bul týraly RIA «Novostı» habarlady.
Júkti áıel aýrýhanaǵa habarlasyp, tolǵaǵy kelgenin aıtqan. Biraq, kóshedegi kepteliske tap bolǵan jedel járdem kóligi mejeli jerge jete almady. Sol kezde óz kúshimen aýrýhanaǵa barmaq bolǵan áıel de kepteliske tap bolady. Mundaı kólik qarbalasy qalaǵa prezıdent Barak Obamanyń kelýine baılanysty paıda bolǵan.
Tolǵaq qysqan azamatsha amalsyzdan kólikte bosanýǵa májbúr boldy. Abyroı bolǵanda, dál sol kezde kepteliste turǵan kólikterdiń birinen medbıke shyǵyp, jas anany aman-esen bosandyryp aldy. «Qazir anasy men sábıi aýrýhanada. Ekeýiniń de densaýlyǵy óte jaqsy», – deıdi dárigerler. О́mirge ul bala kelgenin aıta keteıik.
Dál osyndaı jaǵdaı ótken jyldyń shilde aıynda Los-Andjeles qalasynda bolǵan edi. Ol kezde tolǵaǵy kelgen áıel joldyń arǵy betindegi aýrýhanaǵa jetý úshin jarty saǵat kútken. Sebebi, dál sol sátte atalǵan kósheden Obamanyń korteji ótýine baılanysty jol jabyq boldy.
Qazir AQSh turǵyndary arasynda bul jaıt qyzý talqylanýda. Tipti twitter áleýmettik jelisinde #ObamaBabyWatch heshtegi paıda bolyp, ol jerde amerıkalyqtar óz oılaryn bildirýde. Keıbiri: «Bul aqylǵa syıymsyz dúnıe. Mundaıǵa qalaı jol berýge bolady?», –dep narazylyǵyn ashyq bildirse, endi biri: «Obama áıel quqyǵyn qorǵaýda chempıon atandy», – dep oıyn astarly sózben jetkizgen.
Elaman Qońyr.
Derek, sýret: RIA «Novostı».