AQTAÝ. 24 mamyr. Kaspıı teńizinde 26 jastaǵy Aqtaý turǵyny sýǵa batyp ketti. Bul týraly Mańǵystaý oblystyq quqyq qorǵaý organdaryna silteme jasaǵan lada.kz habarlady.
Qaıǵyly oqıǵa birneshe kún buryn Fort-Shevchenko qalasynan júz jaqyrym jerdegi shyǵanaqtardyń birinde bolǵan. Quqyq qorǵaý organdary taratqan málimetterge qaraǵanda, shomylmaqshy bolǵan jas jigit sýǵa batyp ketken. Qutqarýshylar marqumnyń denesin taýyp, sýdan shyǵardy.
Oqıǵanyń ózge jaı-japsary áli de belgisiz. Búgingi tańda quqyq qorǵaý qyzmetkerleri qaıǵyly jaǵdaıdyń anyq-qanyǵyn anyqtaýda.
Polısııa qyzmetkerleri men qutqarýshylar qala turǵyndary men oblys qonaqtarynan sýǵa shomylý kezinde saq bolýlaryn suraıdy. Mamandar teńiz tolqyndy bolǵanda alysqa júzbeý kerektigin, sondaı-aq, mas kúıde sýǵa túsýge bolmaıtynyn qatań eskertedi.
Gúlaıym Shyntemirqyzy.
Derek, sýret: lada.kz.