ASTANA. 24 mamyr. Apple kompanııasynyń saıtynda saýsaq tańbalary skanerimen jabdyqtalǵan iPhone 5c-tiń sýreti jarııalandy. Mundaı qurylǵyny kompanııa buryn-sońdy jarııalamaǵan edi. Alaıda, keıinnen ınternet-paraqshadaǵy sýret óshirilip tastalǵan. Bul týraly RIA «Novostı» habarlady.
«Apple kompanııasy áli satylymǵa shyqpaǵan jańa smartfonnyń sýretin kezdeısoq jarııalaýy múmkin», – dep jazady The Guardian basylymy. Kompanııa saıtynda paıda bolǵan sýrette birqatar smartfonǵa sáıkes keletin qondyrǵy stansalar beınelengen. Jarııalanǵan jańa ónim sýretteriniń birinde (Touch ID) saýsaq tańbalary skanerimen jabdyqtalǵan iPhone 5c-ke uqsas qurylǵy bolǵan. Keıin Apple bul sýretti jaı iPhone 5c-pen almastyryp qoıdy.
Apple-diń jańa smartfony resmı túrde tanystyrylǵan joq. iPhone 6 paıda bolǵannan keıin mamandar iPhone 5c-tiń jańa nusqasy bola alatyn asa qymbat emes smartfon shyǵýy múmkin dep boljaǵan edi. Ol iPhone 6c dep atalady degen boljamdar da aıtyldy.
Ulybrıtanııa gazetiniń jazýyna qaraǵanda, dál osy qurylǵynyń sýreti kompanııa saıtynda abaısyzda júktelýi múmkin. Jańartylǵan 5s-ti kompanııa osy jyldyń qyrkúıeginde kópke usynady dep josparlanyp otyr. Jańa smartfonnyń ekrany 4-dıýım bolýy múmkin. Sebebi, ekrany 4,7 dıýım iPhone 6 kóptiń bárine birdeı yńǵaıly bolmaǵan edi.
Apple kompanııasynyń 2014-2015 jyldardyń 1-jartyjyldyqtaǵy taza tabysy 35,6 paıyzǵa óskenin aıta keteıik.
Elaman Qońyr.
Derek, sýret: RIA «Novostı».