ASTANA. 4 sáýir. Reseıdiń Astrahan oblysynyń soltústiginde qazaq mádenı ortalyǵy ashyldy. Bul týraly AstrakhanPost.Ru portaly habarlady.
Jańa ortalyqtyń aty «Bolashaq» dep atalady. «Ortalyq bizdiń kóp ultty ólkemizdiń baı mádenı dástúrlerin saqtap, damytý maqsatyndaǵy ártúrli ult ókilderiniń merekeleri men salt-dástúrlerin, belgili ártistermen sheberlik klastary men kezdesýler ótkizetin orynǵa aınalady», - delingen uıymdastyrýshylar taratqan paraqshada.
Ortalyqtyń ashylýyna Qazaqstannan, Astrahan jáne Qarabaly qalalarynan, Krasnoıar aýdany men Ahtýba aýdanynyń Novo-Nıkolaevka selosynan qonaqtar qatysty. Saltanatty jıyndy ashqan Ahtýba aýdany mýnısıpaldy bilim berý bóliminiń basshysy Vıktor Vedıshev eki halyqty ǵasyrlar boıy bir-birlerine tyǵyz baılanystyryp kele jatqan dostyq pen mádenı dástúrlerdi eske ala kelip, qurmet retinde «Joldastyq» qoǵamyna qazaqtyń dańqty kúıshisi Qurmanǵazy Saǵyrbaıulynyń barelfin tapsyrdy.
Jınalǵandardy ótip jatqan Naýryz merekesimen aımaqtyq dýmanyń depýtaty Alekseı Fýrık, Novo-Nıkolaevka selosynyń ákimi Aıys Orazǵalıev jáne bir top aqsaqaldar quttyqtady. Sodan keıin Astrahan óner ujymdary men Qazaqstannan kelgen qonaqtardyń konserti bastaldy.
Budan bólek, mádenıet úıiniń foıesinde qazaqtyń ulttyq taǵamdarynyń kórmesi boldy. Al onyń janyna tigilgen qazaq kıiz úılerine baı dastarhan jaıylyp, óziniń meımandaryn kútti.
Murat Aıtqoja.
Mánbe, foto: AstrakhanPost.Ru.