«Ashyq esik» kúni

múmkindigi shekteýli jandarǵa arnaldy  Jýyrda Almatydaǵy №17 qalalyq emhanada «Kedergisiz keleshek» baǵdarlama aıasynda  Qazaq medısınalyq úzdiksiz bilim berý ýnıversıteti   (QazMÚBBÝ)   «Nur Otan» partııasynyń qalalyq fılıaly jáne Almaty qalasy densaýlyq saqtaý basqarmasymen birlese otyryp, múmkindigi shekteýli jandarǵa ashyq esik kúni ótti. Elbasy óziniń dástúrli Jol­daýynda «Nur Otan» partııasyna elimizdegi múgedekter ómiriniń sapasyn kóterý jumystaryn júrgizýdi tapsyrǵan bolatyn. Osyǵan oraı, «Nur Otan» partııasy 2014 jyly «Kedergisiz keleshek» jobasyn qolǵa alyp,  respýblıkanyń barlyq óńir­lerinde  múmkindigi shekteýli jandardyń ómir sapasyn kóterýge arnalǵan jumystardy qarqyndy júrgizýde.  Bul kúni QazMÚBBÝ kafedralarynyń 12-ge jýyq jetekshi mamandary men professorlary ártúrli sebeptermen dárigerge kórinýge múmkinshiligi  joq 50-den asa múmkindigi shek­teýli naýqastarǵa kardıologııa, revmatologııa, travmatologııa, ýrologııa, endokrınologııa, pedıatrııa, t.b. salalar boıynsha dıagnostıka jasap,  tekserip,  keńesterin berdi.  Olardyń arasynda kardıologııa kafedrasynyń professory G.Imantaeva, oftalmologııa kafedrasynyń professory B.Súleeva, revmatologııa, jaraqattaný jáne ortopedııa kafedralarynyń meńgerýshileri m.ǵ.k. Jazıra Omarbekova men Orazbaı Ábdirazaqov, t.b. ǵalymdar bar. Naýqastardy qabyldaýda professorlarmen birge Aıgúl Tájıeva basqaratyn №17 qalalyq emhananyń dárigerleri de  belsene qyzmet kórsetti. Sondaı-aq, «Ashyq esik» kúni aıasynda Almaty qalalyq Densaýlyq saqtaý basqarmasynyń basshysy Janat Qasymjanova, QazMÚBBÝ-diń rektory Ǵalym Toǵyzbaev, qalalyq «Nur Otan» partııasynyń saılaýaldy tuǵyrnamasyn júzege asyrý jáne baqylaý bóliminiń keńesshisi, «Kedergisiz keleshek» jobasynyń úılestirýshisi Merýert Súleımenovalar múmkindigi shek­teýli azamattardy qabyldap, olardyń muń-muqtajyn tyńdap, naqty kómekterin kórsetti. – Qala turǵyndarynyń den­saýlyǵyn jaqsartý maqsatynda 2014 jyly Densaýlyq saqtaý basqarmasy men Jumyspen qamtý jáne áleýmettik baǵdarlamalar basqarmasy men Qazaqstan-Re­seı medısına ýnıversıtetiniń arasynda Memorandýmǵa qol qoıylǵan bolatyn, – dedi qalanyń bas dárigeri Janat Kákim­seıitqyzy. – Osy memoran­dým boıynsha eń basty 8 áleýmettik mekemede turatyn jandarǵa kó­mek kórsetiledi. 2015 jyly da osy baǵyttaǵy sharalar jal­ǵasyn tabýda. О́ıtkeni, bul óte qajetti shara. Sebebi, múgedek jan­dardyń arnaıy mamandardyń qa­byldaýyna jetý múmkindigi bola bermeıdi. Sondyqtan, bú­gingi ashyq esik kúnine jet­pisten astam adamdy shaqyrdyq, qajetti jaǵdaıda arnaıy ınvataksı jiberildi. Gúlzeınep SÁDIRQYZY, «Egemen Qazaqstan».