Qazaq-Reseı shekarasynda turǵan qazaqstandyq shekarashylarymyz psıhotropty zatty alyp ótpek bolǵan azamattardy ustady.
UQK ShQ baspasóz qyzmetinen habarlaǵandaı, Petropavl shekara otrıadyna qarasty «Jańajol avto» baqylaý-ótkizý beketiniń baqylaýshylary júıkeni emdeýge arnalǵan, áser etýi óte kúshti «Tramadol» dárisin elimizden Reseıge zańsyz áketip bara jatqan eki reseılik azamatty ustady. Tekserip qaraǵanda 3 páshkidegi 5 ampýla dáriniń salmaǵy 30 gramm bolyp shyqty.
Atalǵan derek boıynsha Mamlıýt aýdandyq quqyqqorǵaý organdary habarlandyryldy. Tergeý amaldary bastaldy.