PETROPAVL. 24 mamyr. 2014 jyldyń 1 qyrkúıeginen bastap búginge deıin dúnıe-múlikterin zańdastyrýǵa Qyzyljar óńiri turǵyndarynan 449 ótinish túsken. Bul týraly oblystyq memlekettik kirister departamentiniń mamandary habarlady.
Petropavl qalalyq múlikti zańdastyrý komıssııasynyń hatshysy Qanat Barqytovtyń málimdeýinshe oblys ortalyǵynda zańdastyrylǵan múliktiń jalpy somasy 854 mıllıon 433 myń teńgeni quraıdy. Onyń ishinde 107 turǵyn jáne turǵyn emes obektiler bar. Bir jeke tulǵa aqshalaryn zańdastyrýǵa táýekel etipti.
«Ýaqyt ótken saıyn dúnıe-múlik pen qarajatty zańdastyrýdyń tıimdiligin sezinýshiler qatary artyp keledi. Qajetti qujattardy daıyndap, tıisti somany tólese, zań arqyly qýdalanbaıdy. Kerisinshe, aqshalaryn depozıtke salyp, dıvıdend alýǵa, erkin, ashyq jaratýǵa bolady. О́tinishter 30 qarashaǵa deıin qabyldanady», deıdi Ulttyq Banki oblystyq fılıalynyń bólim meńgerýshisi Janar Ysqaqova.
О́mir Esqalı.
Derek: Soltústik Qazaqstan oblystyq memlekettik kirister departamenti.
Sýret: egemen.kz