QOSTANAI. 24 mamyr. Qostanaı oblysynyń ákimi Nuraly Sádýaqasov Reseıdiń Troısk qalasynda Chelıabi oblysynyń gýbernatory Borıs Dýbrovskıımen kezdesti. Olar shekaralyq ótkizý beketterin uıymdastyrýdyń barysyn qarady. Bul týraly egemen.kz tilshisi habarlady.
Bul kórshi eki eldiń shekaralas eki oblysy basshylarynyń osymen úshinshi ret kezdesýi. О́tken jyly Qostanaıda shekaralyq oblystardyń chntymaqtastyq forýmy ótken b olatyn. Munan keıin Qostanaı oblysynyń delegasııasy Chelıabi oblysynda boldy. Shekaralas eki oblys úshin «Qaıraq» – «Býgrıstoe» memlekettik shekarasy arqyly avtomobıl ótkizý beketindegi úzdiksiz jumystardy uıymdastyrý jáne ótkizý beketindegi «bir aıaldama» ustanymyn jasaý ózekti kúıinshe qalyp otyr. QR Ulttyq qaýipsizdik komıtetiniń shekara qyzmeti dırektorynyń orynbasary Muhtar Sábıdolǵanovtyń aıtýynsha oblysta 12 ótkizý beketi bar. Odan 2014 jyl boıynsha 3,7 mıllıon adam, 1,2 mıllıon kólik ótken. Osylardyń 70 paıyzy naq osy «Qaıraq» shekaralyq beketinen ótedi.
«Kún saıyn «Býgrıstoe» beketinen 10 – 12 myń adam ótedi, al bekettiń ótkizý qýattylyǵy 7 myń adam», deıdi Chelıabi oblysy boıynsha Federaldyq qaýipsizdik qyzmeti shekaralyq basqarmasynyń bastyǵy Ivan Bobrıashev.
Burynyraq qazaqstandyq jáne reseılik shekaralyq baqylaý organdary shekaralyq birikken baqylaýdy «Býgrıstoe» ótkizý pýnktinde uıymdastyrý jóninde másele qaraǵan bolatyn. Búgingi kúni Úkimetaralyq kelisimniń jumys jobasy eki el Úkimetterinde qaralyp, kelisiletin bolady.
Shekaralas oblystar basshylarynyń osy kezdesýinde shekaralyq beketterdiń «bir aıaldama» ustanymymen jumys isteýin uıymdastyrý máselesi qaraldy. Iаǵnı shekaradan ótý ýaqytyn anaǵurlym qysqartý úshin shekaralyq qyzmet qyzmetkerleri kólikterdi tek elge kirip kele jatqanda ǵana tekseretin bolady. Beektterden ótý ýaqytyn qysqartý úshin eki jaqtyń beketterin de qaıtadan jańǵyrtý qajettigi bilinedi. Qazaqstan jaǵy áriptesterin «Qaıraq» ótkizý beketin kúrdeli jóndeýden ótkizý úshin 2015 jyly 412,7 mıllıong teńge bólingeni týraly habardar etti. Qazir «QazAvtoJol Ulttyq kompanııasy» aksıonerlik qoǵamy merdigerdi anyqtaý úshin konkýrstyq úderisterdi júrgizýde. Taǵy da aldaǵy jumystardyń túıindi máseleleri Chelıabi jáne Qostanaı oblysy basshylarynyń keelsi kezdesýlerinde talqylanatyn bolady.
«Biz bul máselelerdi eki jaqtyń da Úkimeti deńgeıinde kóterip júrmyz. Qazaqstan jaǵynan is tez qozǵala bastady. Jobalyq-smetalyq qujattar daıyndaldy, biz «Qaıraq» beketin 400 mıllıon teńgege túsetin jóndeý jumystaryna kirisip jatyrmyz. Bes jolaqty eki jaqty qozǵalys qamtamasyz etiledi. Reseı jaǵynan «Býgrıstoe» beketin qaıtadan jańǵyrtýǵa áli qarjynyń bólinbegeni oılandyrady. Báiz qandaı bolǵan jaǵdaıda da bizdiń azamattardyń júrip-turýyna jaǵdaı jasaý úshin beketterdiń jumysyn jaqsartatyn bolamyz, dedi Qostanaı oblysynyń ákimi Nuraly Sádýaqasov.
Kezesýdiń kún tártibinde Chelıabi oblysy aýmaǵyndaǵy memleketaralyq túıisetin beketter tizimine kirmeıtin «Zolotaıa sopka» stansasynyń jumys isteýi týraly másele de boldy. Bul stansa tasymal jolyn 50 kılometrden 200 kılometrge deıin qysqartyp, qazaqstandyq eksportqa baǵyttalǵan kásiporyndar taýarlarynyń ózindik qunyn tómendetýge eki óńiraralyq taýar aınalymyn kúsheıtýge yqpal eter edi.
«Biz bul máseleni kóterdik, biraq Reseı jaǵynyń da óz ýáji bar. «Zolotaıa sopka» stansasy iri júk tasymaly aǵynyna arnap salynbaǵan, ol qosymsha nysan ǵana bolyp kelgen. Biz muny áli de zerttep, qarap, aldaǵy ýaqytta taǵy da kóterýdi nemese kún tártibinen alyp tastaýdy naqty sheshetin bolamyz, dedi Nuraly Sádýaqasov.
Mysaly, Reseıge kómir, astyq, basqa da taýarlardy Tobyl – Qartaly – Zolotaıa sopka baǵyty arqyly jetkizetin 97 kılometr artyq júrip, qosymsha shyǵyndar jumsaıtyn qazaqstandyq kásiporyndar taýarlarynyń ózindik quny qymbattap sala beredi. Ekibastuzdan Troısk GRES-i úshin artylatyn kómirdi Esil – Tobyl – Qartaly – Zolotaıa sopka stansalary arqyly jetkizý úshin 272 kılometr jer júredi eken. Munyń barlyǵy da ekijaqty qaralatyn bolady.
Shekaralas oblystar basshylarynyń kezdesýinde obyls ákimi Nuraly Sádýaqasov taǵy bir ózekti máseleni kóterdi. «Arqalyq-Troısk-Chelıabi» baǵyty boıynsha júretin elektr poıyzynyń Qarabalyq aýdanyndaǵy Maǵynaı jáne Boskól schtansalarynda jasaıtyn aıaldamany qaıta qalpyna keltirýdi usyndy. Poıyzdyń bul aıaldamalary 2013 jyldyń 1 qańtarynan bastap, shekaralyq ótkizý beketterin uıymdastyrý máselesine oraı alynyp tastalǵan bolatyn. Bul usynysty Reseı jaǵy taıaý ýaqytta qarıtyn boldy.
Kezdesýdi qorytyndylaı kele, shekaralyq obyls basshylary onyń joǵary túsinýshilik, eki jaqty múddelilik jaǵdaıynda ótkenin aıtty. Mundaı kezdesýler eki jaqtyń da kóp máseleler boıynsha alǵa jyljýyna múkindik beredi.
Názıra Járimbetova.
Derek, sýret: egemen.kz