Saptaǵy sarbaz júregindegi senim

«Astana kúni» merekesi qarsa­ńynda Qazaqstan Respýblıkasy Qarýly Kúshteri Áskerı polısııasy bas basqarmasynyń ǵıma­ratynda saltanatty jıyn bolyp ótti. Merekelik is-shara memlekettik Ánurandy oryndaý­men bastalyp, úzdik áskerı qyzmetshilerdi marapattaý týraly Bas basqarma bas­shysynyń buıryǵy oqyldy. Sony­men birge, basqarmanyń tár­bıe jáne ıdeologııalyq jumystar bóliminiń uıytqy bolýy­men daı­yn­dalǵan elordanyń keshegisi men bú­gi­ninen habar beretin fotoslaıdtar el nazaryna usynyldy. Astananyń kún sanap qanat jaıyp kórkeıip kele jatqan keremet kórinisterin áskerıler asa qyzyǵýshylyqpen tamashalady. Shynynda da, táýelsizdiktiń sımvolyna aınalyp, Eýrazııanyń qaq ortasynda qanat jaıyp, kók ti­regen záýlim saraılarmen, jel­kil­degen jasyl jelekpen kóm­ke­ril­gen jas qala bar­sha qazaq­standyqtardyń júre­gine maq­ta­nysh uıalatty. Ile-shala jýyr­da ǵana el telearnalary­nan kór­se­til­gen Elbasynyń kóregen­digi men ke­meń­gerliginiń anyq dáleli bol­ǵan derek­ti fılm jurtshylyq naza­ryna usynyldy. Ásem Astana­nyń Eýrazııa, kúlli álem kóz tik­ken, mádenı-ekonomıkalyq ortalyq­qa aınalýyna múmkindik berip, ke­­shegi qıyn-qystaý kezeńde El­or­­da­ny Esilge kóshirý týraly bas­­tama kóterip, eldiń damýyna ser­pin bergen Elbasy jaıyndaǵy derek­ti fılmdi áskerıler asqan qyzy­ǵýshylyqpen kórdi. Sóz arasynda aıta ketsek, me­re­­kelik is-sharadan birer kún bu­ryn basqarma basshylyǵymen Qazaq­­stan Respýblıkasy Tuńǵysh Prezıdentiniń murajaıyna eks­kýr­sııa uıymdastyrylyp, áske­rıler elimizdiń jańa tarıhyndaǵy san alýan ózgeristerge, tyń sheshim­der men batyl jobalardyń basta­lýynyń kýási bolǵan birinshi rezı­densııany aralap tanysty. Kórse­tilimnen keıin áskerıler ózderiniń fılmdegi ár jyldardaǵy sıýjetterge, fılmde qamtylǵan barsha má­selelerge baılanysty óz oı-pikir­lerin bildirip jatty. Ol oryndy da. Eldegi beıbitshilik pen tynyshtyqtyń baǵasyn kúndelikti bes qarýyn asynyp, kez kelgen ýaqytta Otandy qorǵaýǵa daıyn turǵan áskerıler óte jaqsy biledi. Erteńgi kúnge degen kóńilderine senim uıalatqan Elbasyna sheksiz alǵystaryn bildirgen áskerı qyzmetshilerdiń árqaısysy da óz mindetterin adal oryndap, kásibı biliktilikterin arttyra túsýge mindettemeler aldy. Amangeldi QIIаS, «Egemen Qazaqstan».