“Aqtóbe” bir qadam alǵa basty

[caption id="attachment_12734" align="alignnone" width="560" caption="Foto: O.Lebedev"][/caption] Sársenbi kúni keshkisin fýtboldan Eýropa chempıondary lıgasynyń úshinshi irikteý kezeńiniń alǵashqy matchtary ótti. Eýropanyń 14 qalasynda ót­ken bul oıyndar asa tartysty jáne qyzyqty bolǵanymen aıtar­lyqtaı jańalyqtar ákelgen joq. Degenmen, Shotlandııanyń “Sel­tık” komandasynyń syrt ala­ńyn­da Portýgalııanyń “Braga” klý­bynan 0:3, Gollandııanyń “Aıaks” komandasynyń óz alańynda Nor­vegııanyń “Rýsenborg” klýbynan 0:1 esebimen jeńilgenin osy kezge deıin ataqty atyn saqtap kelgen olardyń bedeline birshama nuqsan keltirgeni sózsiz. Al bizdiń byltyrǵy jyly chempıonymyz “Aqtóbe” alǵashqy oıynyn óz alańynda Izraıldiń “Hapoel” komandasymen ótkizip, 1:0 esebimen jeńiske jetti. Goldyń avtory taǵy da komanda kapıtany – Samat Smaqov. Bulaı deýimizdiń sebebi, Eýropa chempıondar lıga­synyń ekinshi kezeńinde aqtóbe­lik­terdiń Grýzııanyń “Olımpı” ko­mandasymen ótkizgen kezdesýlerde ol qarsylastar qaqpasyna úsh dop soqqan bolatyn. Osy jolǵy “Aq­tóbeniń” ızraıldik komandamen ótkizgen alǵashqy oıynynda da Samat baryn salyp óner kórsetti. Sonymen birge osy kezdesýde Essomba, Evgenıı Averchenko, Emıl Kenjesarıev, Murat Ti­le­shev, Ivan Perıch pen Aslan Da­rabaev ta jaqsy qyrynan kórindi. Negizinen osy jigitter búkil match boıy Tel-Avıv komandasynyń aıyp dop alańynan tabylyp, qaý­ipti jaǵdaılar jasap júrdi. Biraq, álem chempıonatynda kózge túsken Nıgerııa quramasynyń oıynshysy Vınsente Enıamanyń qorǵaǵan “Hapoel” qaqpasyna Smaqovtyń kezdesýdiń 67 mınótinde 11 metrlik aıyp dobynan soqqan golynan keıin esh ózgeris bolǵan joq. Endi kelesi qarymta kezdesý 3 tamyz kúni Tel-Avıvte ótedi. Bul match “Aqtóbeniń” abyroıy úshin taǵy bir synaq alańy bolatyny sózsiz. О́ıtkeni, dál osy Izraılde ótken jyly otandastarymyz Haı­vanyń “Makkabı” komandasymen ótkizgen Eýropa chempıondar lıga­synyń úshinshi irikteý kezeńinde 3:0 esebimen jeńip turyp, qaqpasyna 4 dop jiberip alǵan edi. Sóıtip qolda turǵan chempıondar lıga­synyń negizgi týrnırine beriletin joldamadan aırylǵan bolatyn. Endi chempıondar lıgasynyń sońǵy kezeńiniń basqa da bolǵan alǵashqy machtarǵa keler bolsaq, olarda mynadaı esepter tirkeldi. “Braga” ­­­– “Seltık” 3:0, “Partı­zan” – “HIK Helsınkı” 3:0, “Aıaks” – “Rýsenborg” 0:1, “Iаng Boız” – “Fenerbahche” 2:2, “Deb­resen” – FK “Bazel” 0:2, “She­rıf” – “Dınamo” (Zagreb) 1:1, BATE – FK “Ko­pengagen” 0:0, TNS – “Anderleht” 1:3, “Sparta” (Praga) – “Leh” 1:0, “Ýnırııa” – “Zınıt” 0:0, “Dınamo” (Kıev) – “Gent” 3:0, “Lıteks” – “Jı­­lına” 1:1, “Omonııa” – “Zalsbýrg” 1:1. Dastan KENJALIN. Júz joldyq jańalyqtar * Qazaqstan stýdentteri álem chempıona­tyna qatysady. Ústimiz­degi jylǵy 22-29 tamyz aralyǵyn­da Ser­bııanyń Novı-Sad qala­synda fýt­bol­dan stýdentter arasynda álem chem­pıo­naty ótedi. Belgili fýtbol mama­ny Ámirjan Muqanov baptaıtyn Qazaq­stan quramasy osy básekege “Tul­par” komandasynyń Taký, Gre­benos, Shorın, Dovgan, Peremysh­lın, Mu­qa­nov, Esena­ma­nov, Pengrın, Pershın syndy oı­yn­shylaryn irik­­tep aldy. Chem­pıonatta D irikteý to­by­na túsken olar Brazılııa, Qytaı já­­­ne Slovenııa stýdentterimen kezdesedi. * “Astana arlandary” quramyn túpkilikti anyqtady. Astanalyq qurama komanda sapynda Búkil­­álem­dik boks serııasy matchtaryna qaty­satyn boksshylardyń aty-jónderi toly­ǵy­men belgili boldy. Olar mynalar: Baǵ­dat Álimbekov, Nurlan Seıtimbetov, Qanat Ábý­­­tálipov (54 kg), Mereı Aq­sha­lov, Erjan Músa­fı­rov, Azamat Sma­­ǵulov, Berik Ábdi­rah­manov (61 kg), Baqyt Sársekbaev, Dáýren Eleý­si­nov, Mıras Baıyr­hanov (73 kg), Ma­rat Moldagereev, Djeıson Va­rella Mon­roı, Maksvell Ampon­sah (85 kg), Mı­lýtın Stanko­vıch, Ishtvan Bernat (+91 kg). Bul tizimdegi sońǵy tórt boks­shy­nyń shet­el­­dik­ter ekeni baıqalyp turǵan shyǵar. Qazaqstan quramasy olar­dy Kolýmbııa, Gana, Serbııa jáne Ven­grııa elderinen jaldap aldy. * “Barys” chempıonatty “Se­verstalmen” bastaıdy. Kontı­nen­taldy hokkeı lıgasynyń (KHL) basshylyǵy Reseı ashyq chempıonaty men osy jylǵy Gaga­rın kýbogy oıyndarynyń kúntiz­besin bekitti. Osy arqyly bıylǵy birin­shiliktiń aldaǵy 8 qyrkúıekte bastalyp, 2011 jylǵy 20 aqpanda aıaqtalatyny belgili boldy. Lıga komandalary byltyrǵydaı taǵy eki kon­ferensııaǵa bólinip otyr. Bu­lar­dyń árbiri eki dıvızıonnan qura­la­dy. Qatysýshy komandalar óz dıvı­zıo­nyndaǵy qarsylas­ta­rymen tórt oı­ynnan ótkizse, konferen­sııa­dan tys­qa­ry ko­mandalarmen eki retten kezdesedi. Astananyń “Barys” komandasy “Shyǵys” konferensııasy “Cher­ny­shev” dıvızıonyna endi. Onyń mun­da­ǵy qarsylastary qatarynda Ombynyń “Avangard”, Habarov­skiniń “Amýr”, Ýfanyń “Salaýat Iýlaı”, Novokýz­nes­kiniń “Me­tal­lýrg” jáne Novo­si­birdiń “Sıbır” ko­mandalary bar. Astana­lyqtar KHL birinshiligin 11 qyrkúıekte bastap, óz alańynda Cherepovestiń “Se­verstal” hokkeıshi­lerin qabyldaıdy. * Basketbolshylar Stankovıch kýbogyna daıyndalyp jatyr. Qazaq­stan quramasy ústimizdegi jylǵy 7-15 tamyz aralyǵynda Lı­vanda ótkeli turǵan “Stankovıch kýbogy” ha­lyq­aralyq týrnırine qatysady. Qazir komanda kúsheı­tilgen oqý-jattyǵý jıy­nyn bastap ketti. Ony qurama­nyń jańa bas jattyqty­rý­shy­sy Va­dım Býrakov Atyraý qalasynda ótkizýde. Jergilikti “Atyraý barystary” komandasy­nyń da jattyqty­rý­shy­sy bolyp tabylatyn bapker endi qura­ma­ny da osy ujymnyń negi­zin­de jasaq­ta­ǵandy jón kórdi. Ko­man­dany qar­jy­lan­dyratyn da ne­gizinen osy aımaq bolǵaly tur. Ko­manda munda aptanyń sońyna deıin jat­ty­ǵady. Almatyǵa ushyp baryp, birneshe joldas­tyq kez­desý ótkizedi. Sosyn 4 tamyzda Lıvanǵa jetedi. “Egemen-aqparat”.