Meıirim shýaǵy

Elimizde ata-anasynyń qamqor­ly­ǵynsyz qalǵan jáne tastandy ba­lalardyń ómirden óz ornyn tabýyna qoldaý kórsetý eń ózekti másele bo­lyp otyrǵany ras. Bilim jáne ǵylym mınıstrliginiń ata-anasynan aıyryl­ǵan balalar úshin “Qýan, sábı!” res­pýb­lıkalyq aksııasyn ótkizý bas­ta­masyn kóterip otyrǵany da sondyq­tan. Osy aksııa aıasynda oblystyq ba­lalardyń quqyn qorǵaý departamenti men oblystyq ishki saıasat basqarmasy birigip, Alǵa aýdanynyń Bestamaq aýylyna jaqyn jerde ornalasqan ob­lystyq Alǵa balalar úıiniń “Aq­bóbek” lagerinde “Baqyt nury – balaǵa” atty mereke uıymdastyrdy. Qonaqtar aldymen lagerdi ara­lap kórdi. Alǵa balalar úıiniń dı­rek­tory Kenjeǵazy Baıǵazınniń aıtý­ynsha, bul burynǵy hımııa zaýy­tynyń lageri kórinedi. On alty jyl­­­dan beri lager Alǵa balalar úı­ine qaraıdy. Qazir 440 tárbıelenýshi jazǵy demalysyn osynda ótkizip ja­tyr eken. Sońǵy jyldary salynǵan bes úı, ákimshilik úıi, ashana, jýy­natyn bólmeler balalardyń ıgiligine qyzmet etedi. Ashana 120 oryndyq bol­ǵandyqtan balalar úsh aýy­sym­men tamaqtanady. Balalardyń ózderi otyrǵyzǵan kóshetter jaıqalyp ósip, boı túzep keledi. Ras, sý máse­lesi qıyn eken, sondyqtan balalar sýdy únemdep jumsaýǵa daǵdylanǵan. Balalar úıiniń dırektory aldaǵy ýaqytta aýladan qudyq qazdyrǵaly otyrǵanyn jetkizdi. Lagerdiń sahnasyna kóterilgen tárbıenýshiler Ǵalym Sultanov pen Erbolat Jumanııazov salǵan ánmen mereke shymyldyǵy ashyldy. Me­rekeniń maqsaty — balalardy qam­qorlyǵyna alatyn, ata-analyq sezim shýaǵyn syılaıtyn, olardyń úlken ómir jolyna sátti qadam basýyna ba­ǵyt-baǵdar beretin qamqorshy azamattardy tartý jáne balalardyń týǵan-týystaryn, baýyrlaryn, qam­qorshylaryn taýyp, olardy ot­ba­syna ornalastyrý bolyp tabylady. Oblystyq balalardyń quqyn qorǵaý departamentiniń dırektory Kúlpar­shyn Aıdarhanovanyń málim­deýin­she, oblysta 617 jetim jáne ata-ana qamqorlyǵynsyz qalǵan bala bar eken. Sondaı-aq 1414 bala qamqor­shylyq jáne patronat otbasynda tár­bıelenýde. Degenmen bala dese jan júregi eziletin adamdardyń ar­qasynda qalamyzdaǵy “Úmit” sá­bıler úıindegi balalar da azaıa bas­tapty. Bul qýa­narlyq jáıt, árıne. Qa­zir qalalyq bilim bóliminiń ese­binde sábılerge baqyt syılaýǵa yn­taly eki júzdeı ata-ana kezekte tur­ǵan kó­rinedi. Endigi másele – ártúrli jaǵ­daı­­lar salda­rynan ata-anasy­nyń qa­raý­ynsyz qalǵan balalardy aıalap ósi­rýge shyn júregimen berilgen adam­­dardy osy ıgi iske kóbirek tartý bolmaq. “Besik” balalar qory” qoǵamdyq qorynyń tóraıymy Alma Jansa­­rınova Alǵa balalar úıine “Zerek” teatr stýdııasy men sport klýbyn syılady. “Detskıı mır Mothercare” dúkeniniń dırektory Gúlnar Týmy­sheva balalarǵa kıim-keshek ákelipti. Merekelik konsertte ónerpaz tár­bıe­lenýshiler men aqtóbelik tany­mal ánshiler qosylyp óner kórsetti. Merekege osy balalar úıiniń burynǵy tárbıelenýshileri Ryskúl Qurmanǵalıeva men Ásel Chebohına kishkentaı bópeleri Jalǵas pen Tımofeıdi de ala kelipti. Byltyr jańadan shańyraq kótergen Azamat pen Rysgúl, Maksım men Ásel oblys ákimi Eleýsin Saǵyndyqovtyń óz qolynan páter kiltin alǵan bo­latyn. Qazir olar ózderiniń ómirlik joldaryn taýyp, tańdaǵan maman­dyqtary boıynsha eńbek etýde. Merekelik kóńil-kúıde ótken bul aksııa qaıyrymdylyq pen adam­ger­shiliktiń aıqyn kórinisi boldy. Ata-ana qamqorlyǵynan tys qalǵan jarym kóńil balalar adamdardyń me­ıirimi men júrek jylýyn sezin­gen, sondaı-aq, adamgershilik qa­sıet­tiń qadirine jetken shara boldy bul. Satybaldy SÁÝIRBAI. Aqtóbe oblysy.