ASTANA. 13 naýryz. Qatarynda 2 mıln.-nan astam múshesi bar Kásipodaqtar federasııasy is basyndaǵy Memleket basshysy Nursultan Nazarbaevtyń kezekten tys prezıdenttik saılaýǵa kandıdatýrasyn usynýyn tolyǵymen qoldaıdy. Kásipodaq tóraǵasynyń orynbasary Qaırat Aıtýǵanov osylaı dedi. Bul týraly «QazAqparat» habarlady.
Q.Aıtýǵanov: «Qazaqstanda eńbek adamy úshin qajetti barlyq jaǵdaı jasalyp otyr. El Prezıdenti bastamashy bolǵany «Nur Jol» baǵdarlamasy aıasynda júzdegen myń jumys oryndary ashylýda. Memleket óziniń áleýmettik mindettemelerin tolyǵymen oryndaıdy», – dedi.
Kásipodaqtar federasııasynyń negizgi mindetin túsindire keter bolsaq, ol áleýmettik-eńbek qatynastary salasyndaǵy memlekettik saıasatty ázirlep, iske asyrýǵa yqpal etedi, jaldamaly jumyskerlerdiń áleýmettik-ekonomıkalyq quqyqtaryn qorǵaýdy uıymdastyrýda túrli jumystar júrgizedi jáne demokratııalyq kúshterdiń jalpyulttyq koalısııasynyń múshesi retinde eldiń qoǵamdyq-saıası ómirine atsalysady.
Federasııanyń baspasóz qyzmeti habarlaǵandaı, atqarýshy komıtet músheleri el Prezıdentiniń kásipodaq qozǵalysyn qalyptastyrý jáne damytýdaǵy rólin atap ótip, Elbasy saıasatynyń arqasynda eńbekker memlekettiń basty tiregine aınalǵanyna basty nazar aýdaryp otyr.
– Prezıdenttiń Qazaqstan halqyna Joldaýlary, strategııalyq qujattar men memlekettik baǵdarlamalar eldiń tabysty áleýmettik-ekonomıkalyq damýyna, eńbekker mártebesiniń ósýine, áleýmettik-eńbek qatynastarynyń jetildirilýine, jumyssyzdyqty azaıtý, qoǵamdyq birlestikter men kásipodaqtardyń azamattyq qoǵamdy qalyptastyrýdaǵy róliniń artýyna baǵyttalǵan, – dep atap ótti Kásipodaqtar federasııasy atqarýshy komıtetiniń músheleri.
Joldybaı Bazar.
Derek: «QazAqparat».
Sýret: old.vkp.ru.