Álem ótken aptada

Iranǵa qarsy sanksııalardy Eýroodaq tolyq qoldap otyr já­ne ony júzege asyrýǵa kiristi. Olar Iran munaı-gaz sektoryna ınvestısııa salmaıdy jáne osy salada bul elge tehnologııalar men qural-jabdyq satpaıdy. Irannyń jetekshi 40 saıasatkeri Eýroodaq eline kele de almaıdy. Sondaı-aq Iran bankteri – Eýropada, Eýroodaq bankteri Iranda qar­jylyq aýdarymdar jasaı almaı­dy. Iran basshy­ly­ǵy qanshama daýryqpa málim­de­meler jasap, sanksııa ózderine túk emes degen­men, ol bul eldiń ekonomıkasyna úlken soqqy bolyp tıedi.

Premer qyzmetinen ketti

Úkimet basshylary qyzme­ti­nen ketip jatady. Ońtústik Ko­reıa premer-mınıstri Chon Ýn Chhan­nyń ketýi qyzyqtaý boldy. Bu­rynǵy el basshylyǵynyń úki­mettiń jarty­syn el astanasy Se­ýl­den onyń ońtústigindegi Sech­jon qalasyna kóshirý jónindegi josparyna ózgeris engize alma­ǵanyna, ıaǵnı ony parlamentte ótkize almaǵanyna ózin kináli sanaǵan. Astanany ishinara kó­shirýge qazirgi Prezı­dent Lı Men Bak ta qarsy. Bul artyq qarjy jumsaýǵa, ákimshilik sapyry­lys­qa soqtyrady deıdi olar. Premerdiń bul qadamy endi parlamentti de oılandyrar.

Generaldardy jyqqan jansyz

Chehııanyń áskerı barlaýy reseılik bir jansyzdy áshke­re­ledi. Áshkerelengen Robert R. Reseıge qashyp úlgeripti. Biraq óz kezeginde Chehııanyń joǵary shendi úsh generalyn jyǵyp ket­ti. Jansyzǵa eldiń úlken me­kemesiniń adamy maǵlumat berip otyrǵan eken. Muny estigen soń, prezıdenttiń áskerı keńsesiniń bastyǵy Frantıshek Grabal, Chehııanyń NATO-daǵy ókili Iozef Setlak jáne Bas shtab bastyǵynyń birinshi orynbasary Iozef Proksh dereý qyzmet­te­rinen ketetinderin málimdegen.

Jasamys ájeler — Japonııada

Mine, shırek ǵasyrdan beri Ja­ponııa áıelder jasynyń uzaq­tyǵy jóninen birinshi orynda keledi. Onda áıelderdiń ortasha jasy – 86,44 jyl bolsa, al er adamdardyń orta jasy 79,59 jyl. Bul da az emes-aý, álem elderi arasynda besinshi orynda. Eldiń densaýlyq mınıstrligi aldaǵy ýaqytta bul elde adam­dardyń ortasha jasy óse túsedi degendi aıtady.

Ý sýǵa qosylmasyn

Qytaıdyń soltústik-shyǵy­syn­­daǵy Szılın provınsııa­syn­da tasqyn sý kezinde jer­gilikti eki hımııalyq kásip­oryn­nyń 7 myń bóshkesi Sýngarı óze­nine aǵyp ketipti. Onyń 4 myńy bos eken de, 3 myńynda tez ot ala­tyn ýly hımıkattar bar kó­ri­nedi. Ý sýǵa qosylsa, ózen boı­yn­daǵy halyqqa qaýip. Atalǵan ózen Reseı men Qytaıdyń sheka­rasyndaǵy Heı­lýndzıanǵa (Amýr) quıady. Sodan Reseı de shoshyp otyr. Sońǵy habarǵa qaraǵanda, bóshkeler negizinen “ustalǵan” kórinedi.

Jańbyr jaýdan da jaman

Pákstanda nóser jaýyn árqashan bolyp turady. Biraq dál osyndaı alapat jaýyn sońǵy 80 jylda bolmaǵan eken. Jer dúnıe topan sýǵa aınalyp ketkendeı. Eń jamany – sol topan sýdan halyqtyń birazy qashyp qutyla almapty – sońǵy málimetke qaraǵanda, 1100 adam sýǵa ketipti.

Syǵannyń da eli bar

Syǵandardyń júrmeıtin jeri joq, bulardyń eli joq pa deımiz ǵoı. Bar eken. Bolgarııanyń ishki ister mınıstri Svetan Sveta­nov­tyń málimdeýine qaraǵanda, onyń eli Rýmynııamen birlese otyryp, Fransııadan qýylǵan syǵandar­dy ózderine qabyldap alýdy qa­ras­tyryp jatqan kórinedi. Al Rýmy­nııanyń premer-mınıstri Emıl Boktyń pikirinshe, Eýro­odaq elderi syǵandardy jan-jaqty qyspaqqa alyp, kemsitetin sııaqty.

Mılısıoner fashıster

Reseıdiń Ońtústik Sahalın qalalyq soty ultshyl mılısıo­nerlerge, osynda qurylǵan “Sla­vıan odaǵy” ekstremıstik qaýym­das­tyǵynyń múshelerine úkim shyǵar­dy. Fashıst mılısıo­nerl­erdiń jetekshisi sanalatyn qyl­mystyq izdestirý bóliminiń ofı­seri Ivan Rozenko 4 jylǵa sot­talsa, uıym­nyń taǵy bir múshesi shartty túrde 2 jylǵa kesilipti. Jumsaq jaza olardy raıynan qaıtara qoımas.

Ázirlegen Mamadııar JAQYP.