Almaty kúnderi alys Koreıanyń Tegý qalasynda ótýde

Keshe Tegýde Almatynyń mádenıet kúnderiniń ashylý saltanaty bolyp ótti.  Rásimge Almaty qalasynyń ákimi Ahmetjan Esimov pen Tegý qalasynyń meri Kım Bým-Il qatysty. Osynaý mádenıet kún­de­riniń aıasynda áralýan janrdaǵy mýzyka salalary ártisteriniń qatysýymen ótetin úlken gala-konsert jospar­lanýda. Munda Nurjamal Úsenbaeva, Asylbek Eńsepov, Aıgúl Qosanova syndy daryndy óner ıeleri, sondaı-aq “Arnaý” dýeti, “Sazgen sazy” folklorlyq-etnografııalyq ansambli jáne basqalar óner kórsetpek. So­nymen birge otandyq dı­zaı­ner­lerdiń sándi kıimderi tanys­tyrylyp, Almaty týraly sýret kórmeleri, qoldanbaly óner jáne kóne zergerlik buıym­dar kórmeleri uıymdastyrylmaq. Almaty men Tegý ara­syn­daǵy baýyrlastyq baı­la­nys­tardyń ornatylýy týraly kelisimge táýelsizdiktiń sonaý araı tańynda, 1991 jyly qol qoıylǵandyǵyn eske sala ketken artyq bolmas. Tegý aýmaǵy hám halqynyń sany jóninen Koreıa Respýb­l­ı­kasynyń asa iri qalalarynyń bi­rinen sanalady. Ol ári eks­portqa shyǵarylatyn taýarlar óndiretin ortalyqtardyń biri bolyp tabylady. Qalada mashına jasaý jáne metall óńdeý salasy jaqsy damyǵan. Tegýdiń ataǵy shetke toqyma ónerkásibi ónimderin shyǵarý arqyly da shyqqan. Aldaǵy ýaqytta arý Almaty men tyndyrymdy Tegý arasyndaǵy baılanystardyń jańa belesterge kóteriletinine kúmán joq. Qorǵanbek AMANJOL.