ORNY BО́LEK NAR TULǴA. Sábıt Muqanovtyń 110 jyldyǵy Qyzyljar jerinde keńinen atalyp ótti.
Mereıli merekege jazýshynyń qyzdary Baıan, Janna, nemere-jıenderi, sondaı-aq belgili músinshi Shota-Aman Ýálıhan, qazaqtyń tanymal aqyn-jazýshylary Tursynbek Kákishev, Kákimbek Salyqov, Nurǵoja Oraz, Dýlat Isabekov, Baıanǵalı Álimjan, Qulbek Ergóbek, Ádilǵazy Qaıyrbekov, Ǵalym Jaılybaı, Parlament Májilisiniń depýtaty Jarasbaı Súleımenov, Reseıdiń kórshiles oblystarynda turatyn aǵaıyndarymyz arnaıy keldi. Ataqty sóz zergeriniń rýhyna taǵzym etý Petropavl qalasyndaǵy eskertkishine gúl shoqtaryn qoıyp, murajaıyn aralaýdan bastaldy. Sosyn onyń esimimen atalatyn Qazaq sazdy-drama teatrynda “Balýan Sholaq povesi boıynsha Dýlat Isabekov jazǵan “Jaýjúrek” pesasy qoıyldy. Saltanatty is-shara Sábeńniń týǵan jerinde jalǵasty. Jurtshylyq aqyndar aıtysyn, músháırany, ulttyq sport túrlerin qyzyǵa tamashalady. Mereke “Dala juldyzdary” atty shyǵarmashylyq ujymdardyń gala konsertimen qorytyndylandy.
О́mir ESQALI. Soltústik Qazaqstan oblysy
“JOL KARTASY” JEMISIN BERÝDE. Eńbek jáne halyqty áleýmettik qorǵaý mınıstri Gúlshara Ábdihalyqova Bulandy jáne Býrabaı aýdandarynda bolyp, “Jol kartasy” baǵdarlamasy sheńberinde atqarylyp jatqan jumystardyń jaı-japsarymen tanysty. Oblysta jańadan salynatyn jáne kúrdeli jóndeýden ótkiziletin 123 nysan belgilengen. Bul jumystardy atqarýǵa “Jol kartasy” baǵdarlamasy boıynsha 6 mıllıard teńgeden astam qarjy bólinip, eki myńnan astam adam jumysqa tartyldy. Mınıstr Bulandy aýdanynyń ortalyǵyndaǵy qarttar úıi men quıý-mehanıkalyq zaýytyndaǵy oń isterge rızalyq bildirdi. “Jol kartasy” baǵdarlamasynyń sharapatymen áleýmettik nysandy kúrdeli jóndeýge bıyl 18 mıllıon 640 myń teńge jumsalyp, 23 adam jumysqa tartylǵan. Al zaýytta 15 jas tehnıkalyq mamandyqty ıgerip, kásiporynnyń kadr saıasatyn jaqsartqan. Dál osyndaı jaqsy umtylys “Jalaıyr-Bulandy” jıHaz kásipornynyń tabys baspaldaqtaryn bıiktetip otyr. Gúlshara Ábdihalyqova, sondaı-aq Býrabaı aýdanyndaǵy 115 búldirshin tárbıelenetin “Aınalaıyn” jekemenshik balabaqshasynda, “Zelenyı bor” mektep-gımnazııasynda bolyp, mundaǵy jaqsy tájirıbeni qoldaý qajettigin atap ótti.
Baqbergen AMALBEK. Aqmola oblysy.
JUMYSQA ORNALASÝ JAIY TANYSTYRYLDY. Aqtóbe qalalyq jumyspen qamtý ortalyǵynda qazirdiń ózinde 807 adam jumyssyz retinde tirkelgen. Sonyń 195-i 25-ke deıingi jastar, dıplomy bar mamandar. Jaqynda osy jastardyń ózderin eńbek rynogynda erkin sezinýine kómektesý úshin semınar-trenıng ótkizildi. Onda túıindemeni qalaı toltyrý kerektigi, bos jumys oryndaryn qalaı izdeýge, memlekettik qyzmetke qalaı ornalasýǵa bolatyndyǵy ortaǵa salyndy. Semınar-trenıngke qatysýshylardyń jumysqa ornalasa almaýynyń negizgi sebebi, eńbek ótiliniń bolmaýy eken. Mamandardyń aıtýynsha, kópshilik jastar jumys izdep barǵan jerlerinen taýy shaǵylyp qaıtady. Sondyqtan túıindemeni toltyrǵanda jumys berýshiniń ózimen kezdesýge májbúr etetindeı málimetterdi jetkizýi kerek. Jańa jumys ornynda paıdalanatyn bilimi men biligine sendire bilý de utymdy bolmaq.
Satybaldy SÁÝIRBAI. Aqtóbe oblysy.
BIRINShI ORYN — QARAǴANDYLYQTARDA. Oblys ortalyǵyndaǵy stadıondar eki kún boıy aımaqtaǵy qalalardan kelgen áýesqoı sportshylardyń qarym-qabilet synasý oryndaryna aınaldy. Bul dástúrli túrde ótkizilip kele jatqan jazǵy spartakıada. Bıyl besinshi ret uıymdastyrylǵan jarysqa segiz qalanyń ókilderi qatysty.Olar sporttyń 10 túrinen básekege tústi. Birinshi oryndy bul joly da qaraǵandylyqtar ıemdenip, 9 birinshi oryndy jeńip aldy. Al úzeńgiles satyǵa kóterilgen temirtaýlyqtar 6 ekinshi orynnan kórindi. Balqashtyqtar qola júldege qol jetkizdi. “Araı” atalatyn osynaý spartakıada kelesi jyly Jezqazǵanda ótedi. Jóndeý jumystary aıaqtalyp, jańarǵan stadıon jarystyń ótkizilýine daıyn tur. Oblysqa, qala berdi elimizge tanymal sportshylardyń tusaýy atalǵan spartakıada arqyly kesilip júr.
Aıqyn NESIPBAI. QARAǴANDY.
DEMALÝShYLAR BAǴASY JOǴARY. Týǵan jerdiń tamasha tabıǵaty men janǵa shıpa aýasy men sýyn demalýshylar ıgiligine aınaldyrý maqsatyndaǵy jumystar sońǵy kezde óz nátıjesin berip keledi. Arqasyn Jońǵar Alataýyna tirep, jaǵasyn Saryqum, Qaraqum shólimen jalǵastyryp, etegin kólge tiregen Alakól aımaǵy týrızmniń damýyna meılinshe jol ashqan. Munda atbasyn burǵan sheteldikter tamyljyǵan tabıǵatqa joǵary baǵa berip, Shveısarııadan kem kórmeıtinin ortaǵa salatyny osynyń dáleli. Alakól – ekologııalyq jaǵynan eń taza kól retinde demalýshylardan joǵary baǵa aldy. Aıdyn kóldiń móldir sýy men shaǵyl qumy býyn, osteohondroz, radıkýlıt, bronhıt, taǵy basqa aýrýlarǵa shıpa bolǵandyqtan munda eki demalys lageri, jeti demalys bazasy, jalpy 64 nysan týrısterge minsiz qyzmet kórsetýde. О́tken jyly Alakólde 20 myń adam demalyp, bıýdjet qorjynyna 10 mln. teńge tússe, bıylǵy demalýshylar qatary odan áldeqaıda kóp. Demek, óńir ekonomıkasyn kóterýge qosatyn úlesi qomaqty. Aǵymdaǵy jyly demalys aımaǵyna 66 mln. teńge ınvestısııa tartylyp, keshendi sharalar jasalǵan. Osylaısha kól jaǵasyna kelýshilerge qyzmet kórsetetin nysandar qatary jańasymen tolyǵyp, demalys aımaǵy jaınaı túsken. Sondaı-aq 500 adam týrısterge qyzmet kórsetý baǵytynda jumyspen qamtylǵany da jaqsy ister qatarynda ekenin aıtqan jón.
Kúmisjan BAIJAN. Almaty oblysy.
JIYRMA JYLDAN SOŃ... Jýyrda qalanyń shet jaǵyndaǵy Mıchýrın kóshesine jaryq ornatyldy. Al bul kóshede jaryqtyń sónip qalǵanyna jıyrma jyl bolǵan-dy. Álgindeı ıgilikti sharýa “Jol kartasy” baǵdarlamasy aıasynda júzege asyryldy. Bıylǵy jyly qalanyń budan basqa da birqatar kósheleri jaryqtandyryldy. Munyń syrtynda aspaly kópirge áshekeıli shamdar ornatyldy. Sóıtip, ýaqyt ótken saıyn qala kórki ajarlanyp keledi. Kóshelerdi jaryqtandyrý qylmystyń aldyn alýǵa da septigin tıgizýde.
Dáýlet SEISENULY. SEMEI.
QAIYRYMDYLYQ KONSERTI. Qazaqstannyń eńbek sińirgen ártisi, professor Kenjeǵalı Myrjyqbaı ótken aptada oblys ortalyǵyndaǵy “Dostyq” úıinde, odan soń Moıyldy sanatorııindegi demalýshylarǵa arnap qaıyrymdylyq konsertin ótkizdi. Konserttik baǵdarlamasynyń taqyryby ártúrli halyqtar tilinde bolǵandyqtan, ánshi ıtalıan, ıspan, orys, ýkraın tilderinde án shyrqap, jınalǵan jurtshylyqty, ásem ánimen tánti etti. О́z týǵan tilimizde oryndaǵan ánderin aıtpas buryn, ár ánniń shyǵý tarıhyna, avtoryna deıin túsindirip berdi. Qazaq ánderi áýelep keń dalanyń tynysyn sezdirgendeı boldy. Án keshiniń ótýine qoldaý kórsetken oblys ákiminiń orynbasary Álııa Ǵalymova ánshige shyǵarmashylyq tabys tiledi. Budan keıin Kenjeǵalı Myrjyqbaı konserttik baǵdarlamasyn tabıǵaty keremet Baıanaýylda jalǵastyrdy.
Farıda BYQAI. Pavlodar oblysy.