“Barys” babynda ekenin baıqatty

Osy aptada Astanada hok­keıden Qazaqstan Prezıdenti kýbogy jolyndaǵy halyqaralyq týrnır bastaý aldy. Erteń aıaq­talatyn týrnırge Qazaqstan, Latvııa, Reseı jáne Belarýs el­derinen “Barys” (Astana), “Dı­namo” (Rıga), “Atlant” (Más­keý oblysy) men “Dınamo” (Mınsk) komandalary qatysýda. Keshegi týrnırdiń demalys kúnin eseptemegende, komandalar alǵashqy eki kúnde eki kezdesýden ótkizip úlgerdi. Sonyń ishinde Astananyń “Barys” klýby al­ǵashqy oıynyn reseılik “Atlant” komandasymen ótkizip, 4:2 ese­bi­men jeńse, ekinshi oıynynda Rı­ganyń “Dınamo” komandasynan dál osyndaı eseppen basym tústi. Basqa oıyndarǵa kelsek, Mıns­kiniń “Dınamosy” Máskeý obly­sy­nyń “Atlant” klýbyn 6:2, Lat­vııanyń “Dınamo” komandasyn 3:2 esebimen utty. Búgin “Barys” pen “Dınamo” (Mınsk) kezdesse, “Atlant” Rı­ganyń “Dınamo” komandasymen muz aıdynyna shyǵady. Al erteń kórsetken nátıjelerine qaraı komandalar birinshi jáne úshinshi oryndar úshin talasatyn bolady. Qazir osylardyń ishinde “Barys­tyń” basqalarǵa qaraǵanda týr­nırdi jeńip alý múmkindigi kóp. Eki oıynda qajetti upaıdy jı­naǵan astanalyq komandanyń en­digi naǵyz qarsylasy Mınskiniń “Dınamo” komandasy bolatyny sózsiz. Bul komanda da eki oıy­nyn jeńip, alań ıelerimen ıyq teńestirip keledi. Qazaqstan hokkeı federasııa­sy­men “Nur Otan” HDP-nyń uıymdastyrýymen ótip jatqan týrnırdiń júlde qory – 3 mln. teńge nemese 20 myń AQSh dol­la­ry. Osy somadaǵy qarjy eli­miz­de alǵash ret hokkeıden ótki­zi­lip jatqan Prezıdent N.Nazar­ba­ev­tyń kýbogy jolyndaǵy týr­nırde bas júldeni alǵan koman­da­nyń qorjynyna túsedi.