“Meıirim” ortalyǵynyń qamqorlyǵy

Oblysta alǵash ret ıadrolyq magnıttik-rezonanstyq tomograf apparaty jumys isteı bastady Elbasy Nursultan Nazarbaev mem­leket saıasatynda halyqqa me­dısınalyq qyzmet kórsetý máse­le­sine basym oryn bólinetinin, ana­lar men balalardyń densaý­ly­ǵyn saqtaý aldyńǵy kezekti mindet bo­lyp tabylatynyn únemi eske sa­lyp, tııanaqty tapsyrmalar berip keledi. Bul tapsyrma uıymshyldyq pen iskerliktiń arqasynda jer-jerde jedel júzege asýda. My­sa­ly, jaqynda ǵana oblysta tuńǵysh ret ıadrolyq magnıttik-rezonans­tyq tomograf apparaty iske qo­syl­dy. Ol az ǵana ýaqyt ishinde 566 adamdy tekserýden ótkizdi. Bul qyzmetke oblystyq bıýdjetten 8 mln. 300 myń teńge bólinipti. Oblys turǵyndarynyń densaý­ly­ǵy úshin áleý­mettik mańyzy zor ap­paratty álemge áıgili “Fılıps” kompanııasy shyǵarǵan. Mundaı ap­parat aýrýdyń dıagnostı­kasyn qoıý sapasyn art­tyrady, myń­da­ǵan syrqat­tardyń dertin der ke­zinde durys qoıýǵa jaǵdaı ja­saı­dy jáne dárigerlerdiń aýrý túrlerin sapaly emdeýine jol ashady. Sondaı-aq, ıadrolyq mag­nıttik-rezonanstyq tomografqa qol jet­kizý oblys halqynyń budan bylaı Almaty, Shymkent qalalary men kórshi qyrǵyz eliniń astanasy Bish­kek shaharyna eriksiz sapar shegip, ári-beri jol júrý taý­qy­metinen qutqaratyn bolady. – Magnıttik-rezonanstyq appa­ratymen halyqtyń áleýmettik turǵydan az qamtamasyz etilgen toptarynyń, ıaǵnı birinshi kezekte múge­dekterdiń, zeınetkerlerdiń, júkti áıelderdiń, 18 jasqa deıingi balalardyń syrqaty tegin anyq­ta­lady. Bul  úshin oblystyq bıýdjet­ten 60 mıllıon teńge qarjy bó­lin­di. Sondaı-aq, bul tomogra­fııalyq ap­paratta tekserilý olar­dan basqa da kez kelgen adamǵa qoljetimdi bo­lady, – dedi “Meıirim” me­dı­sınalyq ortalyǵyna ornatyl­ǵan ıadrolyq magnıttik-rezonans­tyq tomograf apparatynyń tusaý­ke­ser rásimine kelip, dárigerler men syrqattardyń qýanyshyn bólisken oblys ákimi Qanat Bozymbaev. Oblys ortalyǵyna ornalasqan “Meıirim” ortalyǵy 11 jyldan beri oblys turǵyndaryna sapaly dári­gerlik qyzmet kórsetip keledi. Orta­lyq eń sońǵy ınnovasııalyq tehno­logııalarǵa saı medısınalyq ap­parat­tarmen jaraqtalǵan. Bul emdeý ortalyǵynda bir jylda 3000 adam  emdelip, densaýlyǵyn túzep shyǵa­dy. Emhanaǵa 30 myńnan astam turǵyn tir­kelgen. Ortalyqta 250 adam ju­mys istese, olardyń 100-i óz maman­dyǵyn jetik meńgergen bilikti dárigerler. Kósemáli SÁTTIBAIULY.  Jambyl oblysy.