Azıada ánuranynyń mátinine baıqaý jarııalandy

Qazaq sportshysynyń delebesin qozdyrar ulttyq rýhtaǵy uran týa ma? Apta basynda Almatyda 7-shi Qysqy Azııa oıyndary kezinde asqaqtaıtyn ánurannyń mátinine baıqaý jarııalaýǵa baılanysty baspasóz máslıhaty bolyp ótti. Aq Azıadanyń boıtumary syndy uran keler oıyndarda da dostyq pen beıbitshilikti pash etetindeı, bi­timgershilik jáne toptastyrý­shy­­lyq áleýetin ashýǵa baǵyttal­ǵan. Baspasóz máslıhatynda baı­qaý­dyń talaptary men ótkizý tár­tibi, baıqaýǵa qatysýshylardyń már­tebesi, usynylǵan mátinderdiń áýe­nimen úılesýin baǵalaýdyń, je­ńimpazdardy anyqtaý men mara­pat­taýdyń jaı-japsary jarııa etildi. “Azıadanyń ánurany qandaı bolý kerek?” degen saýal buǵan deı­in de BAQ ókilderi tarapynan ara-tura kóterilip turatyn. Al alda ótetin Azıadanyń logotıpin ja­saýǵa baqandaı eki jyl ket­ke­nin eskersek, 5 aıda ulttyq rýhta as­qaq­taıtyn, otandyq sportshy­la­ry­myzdyń delebesin qozdyrar, qa­zaqy boıaýy qanyq dúnıe týsa ıgi! Al uıymdastyrýshylar Azıada ánurany mindetti túrde gımn janr­ynda jazylyp, mátini qazaq, orys jáne aǵylshyn tilderinde bolǵanyn qup kóredi. Al baspasóz máslıhatynda jýrnalıster qaýy­mynyń Azıadaǵa keletin 32 mem­le­ket­tiń ishinen orys tilin biletin elder saýsaqpen sanarlyq, son­dyq­tan ánuran qazaq jáne aǵyl­shyn tilderinde jazylsa da jarar edi degen ýájine,  “7-shi qysqy Azııa oıyndaryn uıymdastyrý komı­tetiniń atqarýshy dıreksııa­sy” AQ vıse-prezıdenti Evgenıı Nıkıtınskıı: – Biz Azıada ánuranyna baı­lanysty qomaqty júlde qory bar baıqaý uıymdastyryp otyrmyz. Jalpy, baıqaý eki kezeńnen tu­rady. Jumystardy qabyldaý búginnen bastalyp, ústimizdegi jyl­dyń 1 qazanyna deıin jalǵa­sady. 6 qazanǵa deıin jumystardy irikteý jumystary júredi. Baıqaý talaptaryna laıyqty birneshe joba 7 qazanda Astana qalasynda ótetin úlken konsertte kórermen­derdiń ashyq daýysyna salynyp, qaı kompozıtordyń áni jeńimpaz bolatyny anyqtalady. Taǵy bir eskeretin jáıt, ánuran mátininiń qaı tilde jazylǵany mańyzdy emes. Eń bastysy – áni men sózi úılesip tursa bolǵany, – dedi. Baıqaýdyń sharttaryn komıs­sııa músheligine alynǵan Erkesh Shákeev, Jeńis Seıdolla, Rınat Ábdihalyqov, Qydyráli Bolmanov syndy óner adamdary qýattap otyr. Sol sııaqty komıssııa qura­mynda Murat Qusaıynov, Baıǵalı Serkebaev, Maqsat Jáýtikov, Erik Tastambekov syndy óner maıtal­mandary bar. Qabileti men qarymynyń ar­qa­synda baıqaýdyń eń úzdik shy­ǵarmasynyń ıesi 1 mıllıon teń­geni qaltasyna basyp, abyroıdan da kende bolmaıtyn túri bar. Sol sııaqty Azıada ánuranyna arna­lyp beıneklıp te túsirilmek. Al oryn­daýshysyna keler bolsaq, ol qazaq ánshisi nemese sheteldik bel­gili ta­nymal óner adamy bolýy da ábden múmkin. Bul másele biraz pikir­talasqa tamyzyq bolatyn syńaıly. Aınash ESALI. ALMATY. * * *

JÚLDELI ORYNDAR JETKIZBEI BARADY

Seısenbi kúni Qazaqstan sportshylary at sporty, eskek esý, kórkem gımnastıka jáne kanoe esýden (kanoe-slalom) jarysqa shyqty. At sportynda el namysyn Tı­mýr Patarov qorǵady. Bala kezi­nen at qulaǵynda oınap ósken jas­óspirim jarystyń osy túrinen eń myqty degen elderdiń ókil­derimen bir topta baq synasty. Bi­rinshi kúni Tımýr barlyq keder­gilerdi qınalmaı ótse, sońǵy kúni eki kedergiden asa almady. Al bul 8 ball aıyp beriledi degen sóz. Sóıtip, ol 9-oryndy qanaǵat tut­ty. Degenmen, onyń jarysyn biz­den de basqa elderdiń ókilderi jaq­sy baǵalaýda. Rasymen de eger osy synǵa 32 memlekettiń ókil­de­ri qatyssa, Tımýrdyń Qazaq­stan­ǵa ákelgen 9-orny jaman kór­set­kish emes. Bizden keıingi oryn­dar­da at sporty jaqsy damyǵan Bra­zılııa, AQSh, Qytaı, Belgııa, Sın­gapýr men basqa da elder qaldy. Kanoe-slalomda Tımofeı Emelıanov 12-oryndy mise tutty. Bul synǵa kásipqoı tórt slalo­mıst qana qatysty. Sonyń ózinde de onyń joly bolmady. Kórkem gımnastıkada kereký­lik Iýlııa Kızıma baq synady. Bapkeri Oksana Bronskaıanyń aı­tý­ynsha, eger ol 10-15 úzdik gım­nas­shynyń qataryna qosylsa, osynyń ózi biz úshin úlken jetistik bolmaq. Gandboldan qyzdar quramasy 3-shi oryn úshin Brazılııamen bo­latyn matchqa daıyndalýda. Osy oıynda qyzdarymyz jeńse, bul Qazaqstan quramasynyń Olım­pıadadaǵy úshinshi qola júldesi bolady. Bizdiń taǵy bir sportshymyz Qaı­rat Aǵybaev dzıýdodan birik­ken “Essen” komandasy sapynda óner kórsetti. Keshe bet qattalyp jatqanda, Qaı­rat komandasymen birge Ol­ım­pıadanyń bas júldesin jeńip al­dy. Bul medal elimizdiń júlde­ler qataryna kirmese de Aǵy­baev­tyń Otanymyz úshin jáne ózi úshin jeńip alǵan chempıondyq ataq bolyp sanalady. Qazir Qazaqstan quramasy jal­py komandalyq esepte úsh al­tyn (ekeýi esepte), eki kúmis jáne eki qo­la júl­demen 205 eldiń ishinde 24-shi orynda tur. Ardaq TOǴYMOV, jýrnalıst, arnaıy “Egemen Qazaqstan” úshin – Sıngapýrden. * * *

AIDYNDAǴY KEZEKTI AIQAS

Osy kúnderi hokkeıden erler arasynda el kýbogy jolyndaǵy kezekti básekeler ótýde. Keshe keshkisin jarystyń jar­­tylaı fınaldyq kezdesýleri oınaldy. Onda О́skemenniń “Kaz­sınk-Torpedo” komandasy men Qaraǵandynyń “Saryarqa” klý­by, Atyraýdyń “Beıbarys” jáne Rýdnyıdyń “Gornıak” komanda­lary kezdesti. Al osynyń aldynda eki topqa bólingen segiz komandanyń oı­yn­dary máresine jetken bolatyn. “A” tobynda birinshi oryndy “Sa­ryarqa”, odan keıingi oryn­dar­dy “Gornıak”, “Arlan”, “Ba­rys-2” klýbtary alsa, “V” to­byn­da “Beıbarys”, “Kazsınk-Tor­pedo”, “Qazaqmys”, “Ertis-Pav­lodar” komandalary osy or­na­lasqan jaıy boıynsha oryn­dar­ǵa ıe boldy. 19 tamyz kúni bastalǵan ja­rysta ár komanda úsh kezdesýden ótkizdi. Tek “Beıbarys” qana esh­bir oıynda jeńilmedi. Ol “Ertis-Pavlodardy” 3:0 esebinen jeńip, qalǵan ekeýinde teń oınady. Al “A” tobynda birinshi orynǵa jaı­ǵasqan “Saryarqa” bolsa, eki oı­ynda jeńip, bireýinde (astanalyq “Barys-2” komandasynan) jeńil­di. Degenmen, qaraǵandylyq hok­keıshiler týrnır kestesinde eń kóp shaıba salǵan komanda bolyp otyr. Olar qarsylastar qaqpa­syna 19 shaıba soqsa, ózderine 13 shaıba jiberip aldy. Ázirshe bıylǵy jarysta 8 upaı jınaǵan “Saryarqa” koman­dasynyń shabýylshysy Andreı Troshınskıı bergen pastary men soqqan shaıbalaryna qaraı bi­rin­shi orynda keledi. Al onyń árip­tesi Anton Dýbının astanalyqtar ótkizgen sońǵy oıynda eki ret nysanany dál kózdep, salǵan shaıbalary boıynsha mergender tiziminiń kósh basynda tur. Dastan KENJALIN.