Qazaqstan bastamalaryn qoldaıdy

Keshe Parlament Senatynyń Tóraǵasy Qasym-Jomart Toqaev BUU Bas hatshy­synyń Arnaýly ókili, BUU-nyń Ortalyq Azııa úshin Aımaqtyq bitimgerlik dıplomatııa ortalyǵynyń basshysy Mıroslav Enchany qabyldady, dep habarlady Parlament Senatynyń baspasóz qyzmeti. Kezdesý barysynda Qazaqstannyń BUU-men yntymaqtastyǵyn odan ári damytý máseleleri boıynsha pikir almasyldy. Qazaqstan Respýblıkasy men BUU-nyń ózara belsendi is-qımylyn atap óte kelip, Tóraǵa bizdiń elimizdiń Uıym ıns­tıtýttarymen baılanystaryn damytýǵa múd­deli ekenine toqtaldy. “Ýaqyt Orta­lyq Azııa aımaǵynda BUU-nyń bolýy qajet­tigin dáleldep otyr”, – dedi Q.Toqaev. Tóraǵanyń pikirinshe, Jappaı qy­ryp-joıý qarýy­nan bas tartýdyń Búkil­­dúnıejúzilik kúnine arnalǵan konferen­sııaǵa BUU-nyń qurylymdyq bólimshesi bas­shysynyń qatysýy Uıymnyń qarý­syz­daný jáne qarýdy taratpaý salasyn­daǵy Qazaqstan bas­shy­lyǵynyń basta­malaryn qoldaıty­nyn kórsetip otyr. Qyrǵyzstandaǵy jaǵdaıdy talqylaý barysynda Qazaqstan ishki saıası turaqty­lyq pen ulttyq ekonomıkany damytýdy qam­tamasyz etýge baǵyttal­ǵan Qyrǵyz­stannyń jańa basshyly­ǵynyń baǵdaryn qoldaıtynyn atap ótti. Q.Toqaev EQYU sammıtine kelýi kútilip otyrǵan BUU Bas hatshysy Pan Gı Mýnǵa izgi tilektestigin joldady. M.Encha BUU-nyń Aımaqtyq bitim­ger­­lik ortalyǵynyń Qazaqstanmen ózara is­-qımylynyń deńgeıin joǵary baǵala­dy jáne Ortalyqqa qoldaý bildirgeni úshin Senat Tóraǵasy Q.Toqaevqa rıza­shylyq bildirdi. “Eger de mundaı aımaq­tyq qury­lym bolmasa, Ortalyq Azııa óńirinde áreket etý kúrdeli bolatyn edi”, – dedi bólimshe basshysy.