Almatydaǵy aýyzashar Elbasy Nursultan Nazarbaevtyń nıetimen berildi

Medeýge barar joldyń oń ja­ǵyn­da, Dostyq dańǵyly men M.Os­panov kóshesiniń qıylysynda boı kótergen, kóz jaýyn alǵan eńseli ǵımaratty baıqap júretinbiz. Mine, naq osy “Royal Tulip Almaty” qonaq úıiniń aq samalaǵa shomylyp jar­qy­raǵan zalynda aldyńǵy kúni Al­maty qalasy ákimdiginiń muryndyq bolýymen shahardyń musylman-jamaǵatyna Qazaqstan Respýblı­ka­synyń Prezıdenti Nursultan Na­zarbaevtyń atynan dastarqan ja­ıy­lyp, aýyzashar as berildi. Aýyz­asharǵa kelgen tórt júzdeı meıman arasynan Sultan Jıenbaev, Saǵyndyq Kenjebaev, Jumaǵalı Ysmaǵulov, Salyq Zımanov sııaqty qadirmendi aqsaqaldardy, zııaly qaýym ókilderin, óner-mádenıet pen ádebıet qaıratkerlerin, bıznes ókilderin, elge eńbek sińirip júrgen basqa da birtalaı mamandyq ıele­rin kózimiz shaldy. Almaty qalasynyń ákimi Ah­met­jan Esimov Elbasynyń salı­qa­ly saıasaty arqasynda elimizde ty­nysh­tyq pen tatýlyq ornap, dini­miz­diń óristep órleýine keń múm­kin­dikter týǵyzylyp otyrǵanyn atap kórsetti. Salıqaly, syndarly saıa­sat sabyrdan týady. Olaı bolsa, aldaǵy jeltoqsan aıynda Astanada EQYU-ǵa múshe elder memleket basshylary Sammıtiniń ótetin bo­lýy da jalpyadamzattyq izgilikpen, mu­sylmandyq ımandylyqpen as­tas­qan sabyrlylyq pen sarabdal­dyq­tyń jemisi ekendigi basa aı­tyldy. Aılardyń sultany Ramazan alma­ty­lyqtardyń da jan-júregine jaq­sylyq nury, Rahman shapaǵaty mo­lynan sebelesin degen izgi nı­et­tiń kórinisindeı aýyzashar berilýi de ábden quba-qup, deı kele, ákim jı­nal­ǵan qaýymnyń orazasyna qabyl bol­syn aıtyp quttyqtady, ár adam­ǵa amandyq, saýlyq, baq-be­re­ke tiledi. Ákim óz sózinde táýel­siz­dik alǵannan keıin eldiń dili men dini, jalpy rýhanı mádenıeti jań­ǵyryp órlegendigine basa toqtaldy. Almaty qalasy Ortalyq me­shi­tiniń bas ımamy Qulmuhammed Ma­hanbet quran oqyp, ýaǵyz aıtyldy. Aýyzashar barysynda dinı ánder oryndaldy. Qorǵanbek AMANJOL. * * *

IZGILIK BASTAÝY

“Islam mádenıeti men bilimin qoldaý qory” “Rixos” qonaq úıinde elimizdegi ıslam memleketteri elshi­leriniń jáne memleket, qoǵam qaı­ratkerleriniń qatysýymen 80 adamǵa arnalǵan aýyzashar ótkizdi. Mundaı ıgi shara arqyly qor óz jumysyn ózgelerge tanystyrýdy maqsat tutypty. Elimiz kelesi jyly Islam Kon­ferensııasy Uıymyn basqaratyn­dyqtan, alda kóptegen is-sharalar ót­kizý josparlanyp qoıylǵan. My­na aýyzashar sonyń basy bolyp ta­bylady. Qor qazirgi tańda kópte­­­­gen Islam memleketterindegi dinı uı­ymdarmen qarym-qatynas orna­tý­da eken. Osylaısha tájirıbe al­masý arqyly qor óz jumysyn jan­dan­dy­rýdy kózdep otyr. О́ıtkeni, Islam elderindegi kóptegen is-sha­ralar, ıaǵnı “dóńgelek ústelder” ót­kizý, di­nı ádebıetter shyǵarý ne­mese aqpa­rattyq toptar quryp, so­lar arqyly Islamnyń durys ba­ǵyt­taryn tú­sin­dirý osyndaı qor­lardyń uıymdas­tyrýymen júzege asyrylady. Al Islam mádenıeti men bilimin qoldaý qorynyń negizgi mindeti eli­mizdegi dinı saýattylyqty odan ári damytý bolyp tabylady. Osy maq­satta qor Qazaqstan musylmandary dinı basqarmasy meshitterine qajetti ádebıetterdi kóptep basyp, tipti olar­dy turǵyndarǵa tegin ta­ratýǵa nıet etip otyr. Qazirgi tańda elimizde 2,5 myńnan astam meshit bolsa, ondaǵy dinı mamandar­dyń saýaty áli de bolsa ushtaýdy qajet etedi. Eli­mizge engen kóptegen teris pıǵyldy dinı toptardyń yqpa­lyn­da ketip jatqan jastardyń ba­syn­daǵy jaǵdaı sonyń dáleli bolsa kerek. Islam mádenıeti men bilimin qoldaý qory­nyń atqarýshy dırek­tory Balǵabek Myrzaev bul týraly bylaı deıdi: “Mine, osyndaılardyń aldyn alý maqsatynda biz Islam joǵary oqý oryndaryna stýdentterdi ji­berý arqyly tyǵyz baılanys or­natýdy kózdep otyrmyz. Osylaısha dinı basqarmanyń kadrlyq áleýe­tin kúsheıtýge bolady. Jyl saıyn Islam joǵary oqý oryndaryna 40-50 balany jiberip, shákirtaqysyn berip turý oıda bar”. Islam mádenıeti men bilimin qol­daý qoryn qurý týraly basta­many 2009 jyly 1-2 shildede ótken Álemdik jáne dástúrli dinder kósh­basshylarynyń quryltaıynda sóılegen sózinde Elbasy Nursultan Nazarbaev kótergen-di. Artynsha ol ómirge kelip, óz jumysyn jolǵa qoıa bildi. Qazir qordyń negizgi qu­ryltaıshysy Qazaqstan musylman­dary dinı basqarmasy men “Shá­kirt” atty Islam oqý oryndaryn bitirgen stýdentterdiń qoǵamdyq birlestigi bolyp tabylady. Sondaı-aq kóptegen jeke kásipkerlerdiń, sheteldik granttar men ulttyq kom­panııalardyń qoldaýyna súıeneri de belgili boldy. Atqarýshy dırek­tor Balǵabek Ábdiqaıymulynyń aıtýynsha, Islam Konferen­sııa­syna Uıymyna tóraǵalyq etý qar­sa­ńynda “Qazaqstandaǵy ıslam” jýr­naly jaryqqa shyǵaıyn dep jatyr. Tirkeýden ótken basylym shet elderdegi elshilikterimiz arqy­ly Qazaqstandaǵy Islam damýy­nyń barysy jan-jaqty kórsetil­mek. Taǵy bir mańyzdy shara­lar­dyń biri retinde 2011 jyldyń qyr­kúıek aıynda TMD-ǵa múshe elder múftıleriniń basyn qosyp, TMD elderindegi Islamnyń jaǵdaıy ta­qyrybynda halyqaralyq konfe­ren­sııa ótkizý josparlanyp otyr. Asqar TURAPBAIULY.