Astana qalasyndaǵy Muńaıtpasov atyndaǵy ortalyq stadıonda Qazaqstan Respýblıkasy Konstıtýsııasynyń 15 jyldyǵyna oraı QR Bas Prokýrorynyń kýbogyna arnalǵan prokýratýra organdary komandalary arasynda mını-fýtbol boıynsha qorytyndy oıyndar bolyp ótti.
Chempıonat respýblıkanyń bes óńirinde shilde aıynyń sońynda bastaldy, aldyn-ala ótkizilgen matchtar Astana, Taraz, Kókshetaý, Aqtóbe jáne О́skemen qalalarynda boldy. Qorytyndy matchqa óńirlik toptardyń jeńimpazdary – Bas prokýratýra, Bas áskerı prokýratýra, Almaty qalasy jáne Qaraǵandy, Aqtóbe, Atyraý, Almaty oblystary prokýratýralarynyń komandalary qatysty.
Chempıonattyń saltanatty jabylý rásiminde Bas Prokýror jeńimpaz atanǵan Bas prokýratýranyń komandasyna kýbok tabys etti.
Ekinshi oryndy Qaraǵandy oblysynyń komandasy ıelense, úshinshi orynǵa Almaty qalasynyń prokýratýrasy shyqty.
Sheberlikterimen kózge túskenderdiń arasynda “Úzdik shabýylshy” nomınasııasyn Jambyl oblysynyń Qordaı aýdany prokýratýrasynan kelgen Janat Seıdalıev ıelendi, al Atyraý oblysy komandasynyń oıynshysy Erjan Eralıev úzdik qorǵaýshy dep tanylsa, Qaraǵandy oblysy prokýratýrasynyń basqarma bastyǵy Kamal Abeýp úzdik qaqpashy atandy.
Sportshylardy quttyqtaǵan Bas Prokýror Elbasynyń salamatty ómir saltyn nasıhattaý jónindegi bastamasy prokýratýra organdarynda belsendi qoldaý taýyp otyrǵanyn atap ótti jáne keleshekte osy ıgi dástúrdiń jalǵasyn tabýyna tilektestigin bildirdi, dep habarlady Bas prokýratýranyń baspasóz qyzmeti.