Keshe Premer-Mınıstr Kárim Másimov halyqaralyq qatynastar jónindegi dırektor Tomas Paýlson bastaǵan K.Kerber qory (GFR) delegasııasymen kezdesti, dep habarlady Premer-Mınıstrdiń baspasóz qyzmeti.
Dóńgelek ústel túrinde ótken kezdesýde Premer-Mınıstr qor ókilderine Qazaqstannyń áleýmettik-ekonomıkalyq damýynyń negizgi parametrleri – qarjy sektoryn turaqtandyrýda jáne bank sektorynyń turaqtylyǵyn qamtamasyz etýde memleket qabyldaǵan sharalar, údemeli ındýstrııalyq-ınnovasııalyq damý baǵdarlamasynyń júzege asyrylýy, el ekonomıkasyn ártaraptandyrý jónindegi sharalar, sol sııaqty bilim berý, densaýlyq saqtaý jáne adam kapıtalyn damytýǵa memlekettik ınvestısııalardy júzege asyrý týraly baıandady.
Sondaı-aq K.Másimov Qazaqstannyń EQYU-ǵa 2010 jylǵy tóraǵalyǵynyń aldyn-ala nátıjeleri, ústimizdegi jyly Astanada ótetin atalǵan uıymǵa múshe elder basshylarynyń sammıti taqyrybyna qatysty saýaldarǵa da jaýap qaıtardy. Sonymen birge Premer-Mınıstr Qazaqstannyń óńirlik ıntegrasııa men qaýipsizdik úderisterine qatysýy, Qazaqstan Úkimetiniń Qyrǵyzstan men Aýǵanstandaǵy ahýaldy turaqtandyrý úshin kórsetip jatqan kómegi týraly da habarlady.
K.Kerber qory ókilderimen kezdesý eki el arasyndaǵy ózara baılanystarǵa qosymsha serpin berýdi kózdeıtin Germanııanyń Qazaqstandaǵy jyly sheńberinde ótti.