AQSh Memlekettik hatshysy Hılları Klınton Qazaqstan Respýblıkasy Konstıtýsııasynyń 15 jyldyǵyn atap ótýge oraı óziniń sálemdemesin joldady.
“Bizdiń elderimizdiń ózara syılastyǵy men múddeleri tyǵyz áriptestiktiń negizi jáne bizdiń elderimizdiń órkendeýi men qaýipsizdigin qamtamasyz etedi”, – dep atap ótken óziniń joldaýynda AQSh Memlekettik hatshysy.
Ol elimizdiń Konstıtýsııasy AQSh-tyń amerıkalyq demokratııany kepildik etýde ustanyp otyrǵan qaǵıdattaryna para-par ekendigin aıta otyryp, Qazaqstan Konstıtýsııasynyń negizgi qaǵıdattaryna joǵary baǵa berdi jáne Qazaqstannyń osy jyly EQYU tóraǵalyǵyna qol jetkizýinde dál osy jetistikter arqaý boldy dep atap ótken. “Sizderdiń Konstıtýsııalaryńyz Qazaqstan halqynyń aldaǵy ýaqyttaǵy jetistikterine negiz bolady jáne bizdiń elderimiz arasyndaǵy tyǵyz baılanystyń kepili bolady”, – delingen hatta. Sonymen qatar, Qazaqstan aldaǵy bolatyn EQYU Sammıtinde óziniń demokratııalyq damýǵa qatań ustanymyn taǵy da pash eterine senimin bildirgen.
О́z joldaýynyń sońynda Memlekettik hatshy AQSh-tyń Qazaqstanmen birlese otyryp “beıbit jáne gúldengen bolashaq qurylysy jónindegi” jumystaryn jalǵastyrý mindetterin qýattady.
Muhıttyń arǵy jaǵynan kelgen joldaý Astana men Vashıngton arasyndaǵy saıası únqatysýdyń joǵary deńgeıiniń jáne ózara syılastyqtyń shynaıy belgisi bolyp tabylady.
Nurbek ALMAShOV.