Júz joldyq jańalyqtar

* Dmıtrıı Ogaı “Tarazǵa” bas jattyqtyrýshy boldy. Belgili fýtbol mamany tamyzdyń sońǵy kúnderi osy komanda tizginin qolǵa ustady. Ol kómekshi etip ózimen Qostanaıda birge jumys istegen Iýrıı Novıkovty aldy. Bıyl 7-12 oryndar úshin kúresetin ko­manda aldyna kelesi jyly alǵash­qy altylyqta bolý qoıylatyn sııaqty. О́zi Tarazda týyp-ósken D.Ogaı oıynshy retindegi jolyn jergi­likti “Hımıkte” bastaǵan. Sosyn “Pah­takor” (Tashkent), “Qaırat” (Alma­ty), “Shahter” (Qaraǵandy), “Proıs­­sen Hameln” (Germanııa), “Aktıý­bınes” (Aqtóbe), “Taraz” (Taraz), “Munaıshy” (Aqtaý) ko­man­­dala­ryn­da óner kórsetken. Jat­tyqty­rýshy retinde 2000-2001 jyl­dary “Esil-Bogatyr” (Pet­ro­pavl), 2002-2004 jyldary “Ertis” (Pav­lodar), 2005-2009 jyldary “To­byl” (Qostanaı) komanda­la­ryn bap­tady. Qazaqstannyń 2002 jáne 2003 jyl­dardaǵy chempıony, 2007 jylǵy Qazaqstan Kýbogynyń ıegeri. * Temirtaýdyń “arystandary” hokkeı chempıonatyna qatysady. Osy kenshiler qalasynda bir kez­deri “Stroıtel”, “Bolat” jáne SSKA atty hokkeı komanda­la­rynyń bolǵanyn jankúıer qaýym jaqsy biledi. Keıin qarjy tap­shylyǵynan qalaǵa komanda ustaý múmkin bolmaı qalǵan. Endi bu­rynǵy dańqty dástúrdi qaıta jal­ǵastyratyn ýaqyt keldi. Te­mir­taýda “Arystan” atty jańa ko­man­da paıda boldy. Maýsymǵa qyzý daıyndalyp jat­qan hokkeı jasaǵy quramy aı­tarlyqtaı kúshti. Ol negizinen syrt­tan kelgen tájirıbeli oıyn­shy­lardan quralǵan. Komandany jattyqtyrý Temirtaý hokkeıiniń tú­legi Vıacheslav Belanǵa senip tap­syryldy. Ol buǵan deıin “Barys” jáne “Kazsınk-Torpedo” klýbta­ry­nyń jattyqtyrýshylar júıe­sinde jumys istegen. Oıynshy re­tinde “Bolat”, “Qazaqmys”, “Ba­rys” jáne “Kazsınk-Torpedo” ko­­mandalary quramynda oı­naǵan. * “Klassıkter” álem chempıo­na­tyna baratyn quramyn anyqtady. Máskeýde ótetin jahan birinshi­ligine qatysatyn elimizdiń grek-rım kúresi quramasynyń sapy belgili boldy. Olardyń qatarynda jasóspirimder arasyndaǵy 2006 jylǵy álem chempıonatynyń kú­mis júldegeri, 2009 Azııa birin­shi­ligi men Golden Gran-prı fınaly­nyń qola júldegeri Ashat Qudaı­bergenov (55 kg), 2008 jylǵy Ýnıversıadanyń jeńimpazy, 2009 jylǵy Azııa birinshiliginiń kúmis júldegeri, 2010 jylǵy Ivan Pod­dýbnyı halyqaralyq týrnıriniń jeńimpazy Almat Kebispaev (60 kg), Azııanyń 2009 jylǵy chempıo­ny Darhan Baıahmetov (66 kg), 2006 jylǵy Azııa oıyndarynyń jeńim­pazy, 2009 jylǵy Azııa birinshi­liginiń qola júldegeri Roman Me­le­shın (74 kg), jasóspirimder ara­syn­daǵy 2008 jylǵy álem chem­pıo­natynyń kúmis júldegeri Al­hazýr Ozdoev (84 kg), Azııa birin­shiliginiń 2007 jylǵy kúmis júl­degeri, 2008 jylǵy Beıjiń Olım­pıadasynyń qola júldegeri Áset Mámbetov (96 kg), jasóspirimder arasyndaǵy 2007 jylǵy álem chem­pıonaty men 2010 jylǵy Ivan Poddýbnyı halyqaralyq týrnı­ri­niń qola júldegeri Nurmahan Tynálıev (120 kg) bar. “Egemen-aqparat”.