Sheteldikter sharshy alańǵa shyqqan jekpe-jekter

“Soltústik” dıvızıonyna kire­tin Qaraǵandy men Aqmola oblys­tarynyń arasynda ótken aıqasta alań ıeleri 16:13 esebimen jeńiske jetti. Kezdesýde alań ıeleri bes ret jeńse, qonaqtar tórt ret utty. Al 52 kg. salmaqtaǵy bir jekpe-jek 5:5 esebimen teń aıaqtaldy. Bul kezdesýdiń qyzyqty óteti­niniń jóni de bar edi. Kezinde, ıaǵnı Keńes Odaǵy jyldarynda, odan keıin elimiz táýelsizdiginiń alǵashqy kezderinde ta­laı talantty boksshy­lardy tárbıele­gen Qaraǵandy men Jezqazǵan óńiri elimizdiń boks ustahanalarynyń birine aınalǵany shyndyq. Qazirgi kúni de ótpeli kezeńniń qıynshylyqtaryn bastan ótkergen oblystyq boks fede­ra­sııa­sy jergilikti jerde sporttyń osy túrin damytý, ony nasıhattaý dese aldaryna jan salmaı keledi. Onyń aıqyn mysalyn Qara­ǵan­dyda Qazaq­stan Boks federasııa­synyń kýbogy jo­lynda ótken kezekti básekede kóre al­dyq. Munda ótken dodanyń bir erek­sheligi, shilde aıynan beri jalǵasyp kele jatqan jekpe-jekterde alǵash ret oblys atynan sheteldiń úsh birdeı boksshysy synǵa tústi. О́zbek­stan­dyq 81 kg. salmaqtaǵy Atabek Ib­raı­mov pen Nozımjan Sobırov (69 kg.) jáne reseılik Zınat Jan­dy­baev (56 kg.) Qaraǵandy oblysynyń atynan shyǵyp, sonyń ekeýinde óz­bekstandyqtar je­ńis­ke jetse, soń­ǵy­sy Jandos Momy­nov­tan 0:1 ese­bimen utylyp qaldy. Oblystyq boks federasııasynyń atqa­rý­shy dı­rektory Berikbol Qasym­ha­nov­­tyń aıtýynsha, sheteldikterdiń synǵa túsýi úshin olarmen aldyn-ala kelisim-shart jasalǵan. Endi jekpe-jekterdiń ózine keler bolsaq, eń jeńil, ıaǵnı 49 kg. salmaqta Temirtas Júsipov alǵash bolyp Aqmola oblysyna jeńis ákel­di. Ol óz salma­ǵynda Mirlan Tú­rikbaıulyn 1:0 ese­bi­men utty. Odan keıin 52 kg. salmaqtaǵy kez­desý, joǵaryda atap ótkenimizdeı, 5:5 esebimen teń aıaqtaldy. Kókshe­taý­lyq Nursultan Qosshyǵulov pen Qanat Turǵanbaevtyń arasynda ót­ken báseke barlyq jaǵynan alǵan­da qyzyqty da, tartysty boldy. Bul kezdesýde ekeýiniń de jeńetin jó­ni bar edi. Alaıda, úshinshi raýnd­tyń sońyna deıin bir-birine áli kel­megen boksshylar sharshy alań­dy kelesi salmaqtaǵylarǵa bosatty. 60 jáne 64 kg. salmaqtaǵy Aqmola obly­synyń ókilderi Dáýlet Muqa­nov pen Damır Qanafın rıngke ýaqtyly kó­terile almaǵan soń, jeńilis berildi. Sóıtip, qaraǵan­dy­lyq Erjan Músá­pirov pen Dýman Súleımenov ońaı oljany qaltala­ryna basty. Mundaı jaǵdaı 91 kg. salmaqta da qaıtalandy. Kókshe óńi­riniń týmasy Súıindik Qolym­baev Alekseı Sevostıanovqa qarsy sharshy alańǵa shyqpady. Degen­men, basqa salmaqtarda kókshetaý­lyq Nurdáýlet Jarmanov (75 kg.) pen Andreı Plahotnıýk (91 kg.) qar­sylas­taryn ońdyrmaı jeńdi. Eń sońǵy jekpe-jekke shyqqan qa­ra­ǵandylyq asa aýyr saqmaqtaǵy Vıtalıı Bondaren­kony kópshilik jaqsy bilýi tıis. Bıyl Qazaqstan chempıonatynyń fınalyna deıin súrinbeı jetken Bondarenko bul joly ózinen tájirıbesi azdaý qarsy­lasynan jeńilip qaldy. Kelesi kezdesýler 4 qyrkúıek kúni Qos­tanaıda jergilikti boks­shylar men Sol­tústik Qazaqstan oblysynyń ko­man­dasy arasynda ótedi. Qaraǵandyda Qa­zaqstan Boks fede­rasııasynyń kýbogy jolyndaǵy kezekti jekpe-jekter ótti. Dastan KENJALIN.