Jeńisin eldik merekege arnady

Jasóspirimder arasynda ót­ken alǵashqy Olımpıadanyń qa­zaq­standyq tuńǵysh chempıony, grek-rım kúresiniń jas sheberi Já­nibek Qandybaev óziniń je­ńi­sin el Konstıtýsııasynyń 15 jyl­dy­ǵyna arnaıtynyn málimdedi. Buǵan osy­naý mereke kúni oblys ortaly­ǵyn­da ótken saltanatty jı­ynda bas qosqan jambyl­dyq­tar kýá boldy. Mereke qýanyshyn bólisýge kelgen jurtshylyqty Ata Zań aıa­synda atqarylyp jatqan óńirdegi ıgilikti isterimen, qol jetken ta­bys­tarymen quttyqtaǵan oblys áki­mi Q.Bozymbaev Sıngapýr be­l­­de­sýinde qarsylas shaq keltirmeı, jeńiske jetken sańlaqty ortaǵa shaqyryp, oǵan eki bólmeli páter kiltin tabys etti. “Súıer ulyń bol­sa, sen súı, súıinerge jarar ol”. Munyń aldyndaǵy kúnderi balýandy el bolyp qarsy alý, onyń qurmetine shashý shashyp, án salyp, bı bılep, dastarqan jaıý sharalary da uıymshyldyqpen ótken bolatyn. Jas óren beldesý ónerindegi jan aıamas jattyǵýlaryn aldaǵy ýaqytta da úzbeı jalǵastyra oty­ryp, 2012 jyly bolatyn London Olımpıadasynda da jeńis tuǵy­rynan kórinýge ýáde berdi. Kósemáli SÁTTIBAIULY, Jambyl oblysy. Sýrette: Sıngapýr Olımpıada­synyń chempıony Jánibek ákesi Jumaseıit Qandybaevpen birge.