Keme “Malaısary tarhan” ataldy

Qazaqtyń jerin jońǵarlarmen bolǵan urystarda qorǵaǵan bahadúr, Abylaı han erligin baǵalaǵan er­júrek batyr Malaısarynyń esimin ulyqtaý – eldiń ótkenine bas ıip, taǵzym etý – búgingi urpaqqa pa­ryz. Egemendik alǵan elimizdiń táý­elsizdigin saqtap qalatyn qazirgideı ýaqytta jastardyń boıynda pat­rıottyq sezim oıatatyn jerimizdi qorǵap qalǵan batyr babalar jolynyń ǵıbraty kerek-aq. 1741 jyly Abylaı jońǵar­lar­dyń qolyna tutqynǵa túsedi. Sul­tandy jaýdan qorǵaý jolynda jońǵarǵa qarsy attanǵan qazaq qosynyn Malaısary batyr bastap barady. Jońǵar qońtaıshysy Qaldan-Serenge qasqaıyp qarsy turyp batyr Abylaıdy tutqynnan qutqaryp alady. Batyrdyń Tarhan shendi bıik dárejeli ataǵy bar. Malaısarynyń qaryndasy Gaýhar batyrdyń Qabanbaı bahadúrdiń jary bolǵany belgili. Mine, ótken­niń bizge jetken paraqtary osylaı syr shertedi. Batyr Jetisý jerinde, Jońǵar Alataýynyń batys jota­syna jerlenedi. Qazir bul jota Malaısary jotasy dep atalatyn kórinedi. Al, bizdiń oblystyń Maı aýdanynyń jerin batyrdyń tuqym-juraǵattary qonys etken eken. Aýdanda Malaısary batyr atyndaǵy aýyl bar. Ǵalym Jambyl Artyqbaı jazǵan shejireli tarıh boıynsha Syrym balalary qazaq-jońǵar soǵystarynyń kezinen Qarqaraly-Edireıden bastap osy qazirgi Maı aýdany ornalasqan Ertis jaǵalaýyn mekendepti. Jý­yrda Erlan Aryn basqaratyn Sul­tanmahmut Toraıǵyrov atyndaǵy memlekettik ýnıversıtettiń ǵyly­mı keńes múshelerine Reseıdiń Tú­men oblysynan jaqsy habar keldi. Sondaǵy keme jasaý zaýytynan ja­salyp shyqqan jańa teplohod Ertis ózenine túsirilip, saparlaryn bas­tamaqshy eken. Osy eldiń sý-kólik salasyn basqaratyn mınıstrliginiń sý kemesine qazaqsha ataý berý jó­nindegi usynysyna ǵalymdardyń bir­aýyzdan kelisip jazǵan Ma­laı­sary tarhan esimin berý jónindegi ótinishteri qabyl alyndy. Batyr atyndaǵy alyp kemeniń Ertis boı­y­men júzip bara jatqanyn kór­gen­niń ózi eli úshin qorǵan bolǵan ba­ba­m­yzdyń arýaǵy aldynda aqtalǵan myń paryzdyń bireýi ǵana bolar. Farıda BYQAI, Pavlodar oblysy.