Fotosýretter kórmesi ashyldy

Áıteke bı aýdanynyń orta­ly­ǵy Komsomol aýylynda “Ta­rıh tuń­ǵıyǵyna úńileıik” atty ta­rıhı-mádenı eskertkishterdiń fo­tosýret kórmesi ashyldy. Kór­meniń osy aýdanda ashy­lýynyń da ózindik sebebi bar. Aýdan aýmaǵyn­daǵy Han molasy qorymynda  HVIII ǵasyrdaǵy qa­zaq memleke­ti­niń qaıratkeri Ábil­qaıyr han jerlengeni tarıh­tan belgili. Munda Ábilqaıyr hannyń máıitin zertteý jumys­tary júrgizilýde. Fotosýretter kórmesi aýdandyq “Halyqtar dostyǵy” murajaıynda “Kıeli mu­raǵa taǵzym” respýblı­kalyq aksııasy aıasynda ótkizildi. Ony uıymdastyrýǵa “Nur Otan” HDP Aqtóbe oblystyq fılıaly bastamashy boldy. Kórmeniń ashylý saltana­tynda sóz alǵan “Nur Otan” HDP Aqtóbe oblystyq fı­lıaly tóraǵasynyń orynba­sary Darıǵa Baıjanova osy aýdan aýmaǵyn­daǵy Han mola­sy degen jerden tarıh ǵylym­dary­nyń doktory, professor Se­rik Ájiǵalıev bastaǵan arheolog­tar­dyń Ábilqaıyr hannyń zı­ra­tyn izdestirip jatqanyn, kórme eksponattary men murajaılyq qujattardyń osy jumystar tý­raly habardar etetinin, sondaı-aq, kórmeden jastardyń óńir tarıhy­men ta­nysatyndyǵyn jetkizdi. Kór­me­niń saltanatty ashylýynan keıin jınalǵandar “Tyńger” mádenıet úıinde oblys­tyq tarıhı-ólketaný murajaıy­nyń ǵylymı qyz­metkeri Rysty Dosovanyń “Ábilqaıyr han – tarıhı tulǵa” atty leksııasyn tyń­dady. Nur­otan­dyqtar aýdan ortalyǵyndaǵy Maǵjan Ju­mabaev atyndaǵy orta mektepke ár túrli taqyraptaǵy tanymdyq kitap­tardy syıǵa tartty. Satybaldy SÁÝIRBAI,   Aqtóbe oblysy.